ദിവസവും കട്ടൻ കാപ്പി ശീലമുണ്ടോ; ഇക്കാര്യങ്ങൾ ശ്രദ്ധിക്കുക!

ഉന്മേഷം നൽകുന്ന വെറുമൊരു പാനീയം എന്നതിലുപരി, ശരീരത്തിന് ഒട്ടേറെ ഗുണങ്ങൾ നൽകുന്ന ഒന്നാണ് കട്ടൻ കാപ്പി അഥവാ ബ്ലാക്ക് കോഫി. എന്നാൽ, ‘അമിതമായാൽ അമൃതും വിഷം’ എന്ന ചൊല്ല് പോലെ കൃത്യമായ അളവിലും സമയത്തും കുടിച്ചില്ലെങ്കിൽ ഇത് ആരോഗ്യത്തിന് ദോഷം ചെയ്യുമെന്ന് പുതിയ പഠനങ്ങൾ മുന്നറിയിപ്പ് നൽകുന്നു.
​കട്ടൻ കാപ്പിയുടെ അത്ഭുതകരമായ ഗുണങ്ങളും, അശ്രദ്ധമായ ഉപയോഗം വരുത്തുന്ന ദോഷങ്ങളും പരിശോധിക്കാം.
​കട്ടൻ കാപ്പിയുടെ 8 ഗുണങ്ങൾ
​1.ശാരീരിക ക്ഷമത കൂട്ടുന്നു: വ്യായാമത്തിന് മുൻപ് കട്ടൻ കാപ്പി കുടിക്കുന്നത് പ്രകടനം 11-12% വരെ വർദ്ധിപ്പിക്കും. ഇതിലെ കഫീൻ നാഡീവ്യവസ്ഥയെ ഉത്തേജിപ്പിച്ച് കൊഴുപ്പിനെ ഊർജ്ജമാക്കി മാറ്റുന്നു.
​2.പ്രമേഹത്തെ നിയന്ത്രിക്കാം: കട്ടൻ കാപ്പിയിലെ ക്ലോറോജെനിക് ആസിഡ് ടൈപ്പ് 2 പ്രമേഹ സാധ്യത 25-30% വരെ കുറയ്ക്കാൻ സഹായിക്കുമെന്ന് പഠനങ്ങൾ പറയുന്നു.
​3.ശരീരഭാരം കുറയ്ക്കുന്നു: കലോറി തീരെയില്ലാത്ത ഈ പാനീയം മെറ്റബോളിസം വർദ്ധിപ്പിക്കുകയും വിശപ്പ് കുറയ്ക്കുകയും ചെയ്യുന്നതിലൂടെ അമിതഭാരം കുറയ്ക്കാൻ സഹായിക്കുന്നു.
​4.കരളിന്റെ കാവൽക്കാരൻ: ഫാറ്റി ലിവർ, ലിവർ സിറോസിസ്, ലിവർ ക്യാൻസർ എന്നിവയിൽ നിന്ന് കരളിനെ സംരക്ഷിക്കാൻ കട്ടൻ കാപ്പിക്ക് കഴിവുണ്ട്.
​5.മസ്തിഷ്‌ക ആരോഗ്യം: അൽഷിമേഴ്‌സ്, പാർക്കിൻസൺസ് തുടങ്ങിയ രോഗങ്ങളെ ചെറുക്കാനും ഓർമ്മശക്തിയും ഏകാഗ്രതയും വർദ്ധിപ്പിക്കാനും ഇത് സഹായിക്കും.
​6.ക്യാൻസർ പ്രതിരോധം: ആന്റിഓക്‌സിഡന്റുകളാൽ സമ്പന്നമായതിനാൽ ചിലതരം ക്യാൻസറുകളെ 40% വരെ തടയാൻ സഹായിക്കുന്നു.
​7.സന്തോഷം നൽകുന്നു: തലച്ചോറിലെ സെറോടോണിൻ അളവ് വർദ്ധിപ്പിച്ച് വിഷാദം കുറയ്ക്കാനും മൂഡ് മെച്ചപ്പെടുത്താനും സഹായിക്കുന്നു.
​8.ദീർഘായുസ്സ്: ഹൃദ്രോഗം, പക്ഷാഘാതം എന്നിവയ്ക്കുള്ള സാധ്യത കുറയ്ക്കുന്നതിലൂടെ ആയുസ്സ് വർദ്ധിപ്പിക്കാൻ സഹായിക്കുന്നു.
​കുടിക്കുമ്പോൾ ശ്രദ്ധിച്ചില്ലെങ്കിൽ (ദോഷങ്ങൾ)
​1.അസിഡിറ്റി: വെറും വയറ്റിൽ കട്ടൻ കാപ്പി കുടിക്കുന്നത് ആമാശയത്തിലെ ആസിഡ് അളവ് കൂട്ടി നെഞ്ചെരിച്ചിലിനും വയറു വീർക്കലിനും കാരണമാകും.
​2.ഉറക്കം കെടുത്തും: വൈകുന്നേരങ്ങളിൽ കാപ്പി കുടിക്കുന്നത് ഗാഢനിദ്രയെ തടസ്സപ്പെടുത്തും. ഉറങ്ങി എഴുന്നേറ്റാലും ക്ഷീണം മാറാത്ത അവസ്ഥ ഇതുമൂലം ഉണ്ടാകാം.
​3.ഉത്കണ്ഠയും നെഞ്ചിടിപ്പും: അമിതമായ കഫീൻ ഉപയോഗം അഡ്രിനാലിൻ ഉത്പാദനം കൂട്ടി ഉത്കണ്ഠ, അസ്വസ്ഥത, വേഗത്തിലുള്ള ഹൃദയമിടിപ്പ് എന്നിവയ്ക്ക് കാരണമാകും.
​4.നിർജ്ജലീകരണം: ശരീരത്തിലെ ജലാംശം നഷ്ടപ്പെടുത്താൻ സാധ്യതയുള്ളതിനാൽ കാപ്പി കുടിക്കുന്നവർ ധാരാളം വെള്ളം കുടിക്കാൻ ശ്രദ്ധിക്കണം.
​5.പോഷകങ്ങളുടെ ആഗിരണം തടയുന്നു: ഭക്ഷണത്തിനൊപ്പം കാപ്പി കുടിക്കുന്നത് ഇരുമ്പ്, കാൽസ്യം തുടങ്ങിയവ ശരീരം ആഗിരണം ചെയ്യുന്നത് തടസ്സപ്പെടുത്തും. ഇത് വിളർച്ചയ്ക്കും എല്ലുതേയ്മാനത്തിനും കാരണമായേക്കാം.
​എത്ര കുടിക്കാം?
ദിവസവും 1 മുതൽ 3 കപ്പ് വരെ ബ്ലാക്ക് കോഫി കുടിക്കുന്നത് സുരക്ഷിതമാണ്. എന്നാൽ ഉയർന്ന രക്തസമ്മർദ്ദമോ ഉത്കണ്ഠയോ ഉള്ളവർ ഡോക്ടറുടെ നിർദ്ദേശം തേടേണ്ടതാണ്.