കവി കെ.ജി.എസിന് എഴുത്തച്ഛന് പുരസ്കാരം
തിരുവനന്തപുരം: കവിയും നിരൂപകനുമായ കെ.ജി ശങ്കരപ്പിള്ളയ്ക്ക്(കെ.ജി.എസ്) 2025ലെ എഴുത്തച്ഛന് പുരസ്കാരം. സാംസ്കാരിക മന്ത്രി സജി ചെറിയാനാണ് പ്രഖ്യാപനം നടത്തിയത്. അഞ്ചു ലക്ഷം രൂപയും ശില്പവും പ്രശസ്തിപത്രവും അടങ്ങുന്നതാണ് അവാര്ഡ്. കെ.ജി.എസിന് നേരത്തെ കേരള, കേന്ദ്ര സാഹിത്യ അക്കാദമി പുരസ്കാരങ്ങളും ലഭിച്ചിട്ടുണ്ട്.
ആവിഷ്കാരത്തിന്റെ ഭിന്നവഴികളിലൂടെ അരനൂറ്റാണ്ടിലധികമായി ശക്തമായ സാന്നിധ്യമായി സഞ്ചരിച്ച കെജിഎസിന്റെ കവിത ഏതൊരു മലയാളിക്കും അഭിമാനിക്കാന് വകനല്കുന്നതാണെന്ന് സജി ചെറിയാന് പറഞ്ഞു. സമകാലിക രാഷ്ട്രീയ സംഭവങ്ങളോട് ശക്തമായി പ്രതികരിക്കുന്ന കവിതകളാണ് അദ്ദേഹത്തിന്റേതെന്നും മന്ത്രി കൂട്ടിച്ചേര്ത്തു.
എന്.എസ് മാധവന് ചെയര്മാനും കെ.ആര് മീര, ഡോ.കെ.എം അനില് എന്നിവര് അംഗങ്ങളും കേരള സാഹിത്യ അക്കാദമി സെക്രട്ടറി പ്രൊഫ. സി.പി അബൂബക്കര് മെമ്പര് സെക്രട്ടറിയുമായ പുരസ്കാരനിര്ണയസമിതിയാണ് ജേതാവിനെ തിരഞ്ഞെടുത്തത്.
