കുമളി: ജല അതോറിറ്റിക്ക് ടാങ്ക് നിർമിക്കാൻ സ്ഥലം വിട്ടുനൽകിയതിന് സൗജന്യമായി വെള്ളം നൽകാമെന്ന മന്ത്രി റോഷി അഗസ്റ്റിന്റെ വാഗ്ദാനം പാഴായി. ചക്കുപള്ളം ശ്രീനാരായണ ധർമാശ്രമത്തിനാണ് 29,200 രൂപയുടെ ബിൽ അടയ്ക്കേണ്ടി വന്നത്. കണക്ഷൻ വിച്ഛേദിക്കുമെന്ന അധികൃതരുടെ കർശന മുന്നറിയിപ്പിനെത്തുടർന്നാണ് ആശ്രമം തുകയടച്ചത്. ജലജീവൻ മിഷൻ പദ്ധതിക്കായി ചക്കുപള്ളം ഒട്ടകത്തലമേട്ടിൽ ടാങ്ക് നിർമിക്കാനാണ് ധർമാശ്രമം ഏട്ട് സെന്റ് സ്ഥലം സൗജന്യമായി വിട്ടുനൽകിയത്. ഇതിന് പ്രത്യുപകാരമായി ആശ്രമത്തിന് സൗജന്യമായി വെള്ളം നൽകുമെന്ന് പദ്ധതിയുടെ ഉദ്ഘാടന വേദിയിൽ മന്ത്രി പരസ്യമായി പ്രഖ്യാപിച്ചിരുന്നു. [&Read More
