എപിജെ അബ്ദുല് കലാം ‘കേരളീയം പുരസ്കാരം’ എംപി മുഹമ്മദ് കോയ ഏറ്റുവാങ്ങി
തിരുവനന്തപുരം: എപിജെ അബ്ദുല് കലാം സ്റ്റഡി സെന്ററിന്റെ മികച്ച ജീവകാരുണ്യ പ്രവര്ത്തകനുള്ള ‘കേരളീയം’ പുരസ്കാരം സമ്മാനിച്ചു. തിരുവനന്തപുരത്ത് നടന്ന ചടങ്ങില് ആന്റോ ആന്റണി എംപിയില്നിന്ന്, മുസ്ലിം ലീഗ് ദേശീയ അസിസ്റ്റന്റ് സെക്രട്ടറി എം.പി മുഹമ്മദ് കോയ പുരസ്കാരം ഏറ്റുവാങ്ങി. ഉത്തരേന്ത്യന് ഗ്രാമങ്ങളില് നടത്തുന്ന ജീവകാരുണ്യ പ്രവര്ത്തനങ്ങള് പരിഗണിച്ചാണ് അദ്ദേഹത്തെ അവാര്ഡിനായി തിരഞ്ഞെടുത്തത്.
മലപ്പുറം ജില്ലയിലെ തിരുന്നാവായ സ്വദേശിയാണ് മുഹമ്മദ് കോയ. ഖിദ്മത്ത് കോളജ് ചെയര്മാന് കൂടിയാണ്. തിരുവനന്തപുരം വൈലോപ്പിള്ളി സംസ്കൃതി ഭവനില് നടന്ന പുരസ്കാരദാന ചടങ്ങ് വിദ്യാഭ്യാസ മന്ത്രി വി ശിവന്കുട്ടി ഉദ്ഘാടനം ചെയ്തു. എപിജെ അബ്ദുല് കലാം സ്റ്റഡി സെന്റര് ഡയറക്ടര് പൂവച്ചല് സുധീര്, ഉപദേശക സമിതി ചെയര്മാന് പിഎം ഹുസൈന് ജിഫ്രി തങ്ങള്, എംഎല്എമാര്, ജനപ്രതിനിധികള്, സാമൂഹിക സാംസ്കാരിക രംഗത്തെ പ്രമുഖര് ചടങ്ങില് സംബന്ധിച്ചു.
