ബജറ്റ് വിലയില് കിടിലന് ഫീച്ചറുകളുമായി ലാവ പ്ലേ മാക്സ് 5G ഇന്ത്യയിൽ; വിലയും വിവരങ്ങളും അറിയാം
ലാവയുടെ പുതിയ സ്മാർട്ട്ഫോൺ ലാവ പ്ലേ മാക്സ് 5G ഇന്ത്യയിൽ പുറത്തിറങ്ങി. സ്റ്റൈലിഷ് ഡിസൈനിലുള്ള മോഡൽ രണ്ട് കളർ ഓപ്ഷനുകളിലാണ് ലഭ്യമാകുക. വേഗതയേറിയ പ്രകടനത്തിലും സുഗമമായ ഗെയിമിംഗിലും ശ്രദ്ധ കേന്ദ്രീകരിച്ചാണ് ഉപകരണം രൂപകൽപ്പന ചെയ്തിരിക്കുന്നത്.
ലാവ പ്ലേ മാക്സ് 5G യുടെ 6GB റാം + 128GB സ്റ്റോറേജ് മോഡലിന് 12,999 മുതലാണ് ഇന്ത്യയിലെ വില ആരംഭിക്കുന്നത്. 8GB റാം + 128GB സ്റ്റോറേജ് വേരിയന്റിന് 14,499 രൂപയാണ് വില. രണ്ട് മോഡലുകളും LPDDR4X റാമിനൊപ്പം UFS 3.1 സ്റ്റോറേജും വാഗ്ദാനം ചെയ്യുന്നുണ്ട്.
പ്രധാന സവിശേഷതകൾ
ഡിസ്പ്ലേ: സുഗമമായ കാഴ്ചാനുഭവത്തിനായി 120Hz റിഫ്രഷ് റേറ്റുള്ള 6.72 ഇഞ്ച് ഫുൾ-എച്ച്ഡി+ അമോലെഡ് ഡിസ്പ്ലേ.
പ്രോസസ്സർ: 4nm മീഡിയടെക് ഡൈമെൻസിറ്റി 7300 ചിപ്സെറ്റാണ് ഫോണിന് കരുത്ത് പകരുന്നത്.
ക്യാമറ: EIS പിന്തുണയുള്ള 50 മെഗാപിക്സൽ പ്രധാന ക്യാമറയും, 8 മെഗാപിക്സലിന്റെ മുൻ ക്യാമറയും ഇതിലുണ്ട്. 4K വീഡിയോകൾ 30fp-ൽ റെക്കോർഡ് ചെയ്യാനും സാധിക്കും.
കൂളിംഗ്: ഹെവി ഗെയിമിംഗ് സമയത്ത് താപം നിയന്ത്രിക്കാൻ വേപ്പർ ചേംബർ കൂളിംഗ് സംവിധാനമുണ്ട്.
ബാറ്ററി: 33W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് ഫോണിലുള്ളത്.
മറ്റ് സവിശേഷതകൾ: ആൻഡ്രോയിഡ് 15ൽ പ്രവർത്തിക്കുന്ന ഫോണിന് IP54 റേറ്റിംഗുമുണ്ട്.
ശക്തമായ ചിപ്സെറ്റ്, മികച്ച ഡിസ്പ്ലേ, നല്ല ക്യാമറ, ദീർഘനേരം നിലനിൽക്കുന്ന ബാറ്ററി എന്നിവ കുറഞ്ഞ വിലയിൽ സ്വന്തമാക്കാൻ ആഗ്രഹിക്കുന്ന ഉപയോക്താക്കൾക്ക് ലാവ പ്ലേ മാക്സ് 5G മികച്ച തെരഞ്ഞെടുപ്പായിരിക്കും.
