ബിഹാറില് മഹാസഖ്യം അധികാരത്തില് വന്നാല് മുസ്ലിം-ദലിത് വിഭാഗങ്ങളില്നിന്നും ഉപമുഖ്യമന്ത്രിമാര്-പപ്പു യാദവ്
പാട്ന: ബിഹാറില് ‘ഇന്ഡ്യ’ സഖ്യം അധികാരത്തില് വന്നാല് ദലിത്, മുസ്ലിം സമുദായങ്ങളില്നിന്ന് ഓരോ ഉപമുഖ്യമന്ത്രിമാരെ നിയമിക്കുമെന്ന് സ്വതന്ത്ര എംപിയായ പപ്പു യാദവ് പറഞ്ഞു. എല്ലാ വിഭാഗം ജനങ്ങള്ക്കും അര്ഹമായ പ്രാതിനിധ്യം നല്കുന്ന നിലപാടാണ് രാഹുല് ഗാന്ധിക്കുള്ളതെന്നും അദ്ദേഹം വ്യക്തമാക്കി.
‘ബിഹാറില് ‘ഇന്ഡ്യ’ സഖ്യത്തിന്റെ സര്ക്കാര് രൂപീകരിക്കുകയാണെങ്കില്, ഞങ്ങളുടെ നേതാവ് രാഹുല് ഗാന്ധി തീര്ച്ചയായും ദലിത്, മുസ്ലിം സമുദായങ്ങളില്നിന്ന് ഓരോ ഉപമുഖ്യമന്ത്രിമാരെ നിയമിക്കും. എല്ലാ സമൂഹത്തിനും ഉചിതമായ പ്രാതിനിധ്യം നല്കണമെന്നത് അദ്ദേഹത്തിന്റെ നിലപാടാണ്’-പപ്പു യാദവ് പറഞ്ഞു. ഇന്ദിരാഗാന്ധി ഭോല പാസ്വാന് ശാസ്ത്രിയെയും അബ്ദുള് ഗഫൂര് സാഹിബിനെയും ബിഹാര് മുഖ്യമന്ത്രിമാരാക്കിയ ചരിത്രവും അദ്ദേഹം ചൂണ്ടിക്കാട്ടി.
ആര്ജെഡി നേതാവ് തേജസ്വി യാദവിനെ മുഖ്യമന്ത്രി സ്ഥാനാര്ത്ഥിയായി മഹാസഖ്യം ഔദ്യോഗികമായി പ്രഖ്യാപിച്ചിരുന്നു. ഇതിനു പിന്നാലെയാണ് പപ്പു യാദവിന്റെ പ്രസ്താവന. യുവനേതാവായ തേജസ്വിയുടെ നേതൃത്വത്തില് മഹാസഖ്യം ഒറ്റക്കെട്ടായി തിരഞ്ഞെടുപ്പിനെ നേരിടുമെന്ന് കോണ്ഗ്രസ് നേതാക്കള് ആവര്ത്തിച്ചു വ്യക്തമാക്കിയിട്ടുണ്ട്.
മഹാസഖ്യത്തിന്റെ പ്രകടന പത്രിക ഉടന് പുറത്തിറക്കും. തൊഴിലവസരങ്ങള്, സൗജന്യ വൈദ്യുതി തുടങ്ങിയ വാഗ്ദാനങ്ങള് പ്രകടന പത്രികയിലുണ്ടാകുമെന്നാണ് സൂചന.
