യുഎഇയുടെ പുതുവർഷ സമ്മാനം: ഇന്ധനവില കുറച്ചു; ജനുവരി മാസത്തെ വിലവിവരങ്ങള് അറിയാം
ദുബൈ: യുഎഇയിലെ വാഹന ഉടമകൾക്ക് പുതുവൽസരത്തിൽ ആശ്വാസവാർത്ത. നാളെ മുതൽ ഇന്ധനവില കുറയും. അന്താരാഷ്ട്ര വിപണിയിലെ എണ്ണവിലയിലുണ്ടായ മാറ്റങ്ങൾ പരിഗണിച്ചാണ് വില കുറയുന്നത്. ഡിസംബർ മാസത്തെ അപേക്ഷിച്ച് ജനുവരിയിൽ പെട്രോൾ, ഡീസൽ നിരക്കുകളിൽ ഗണ്യമായ കുറവാണ് രേഖപ്പെടുത്തിയിരിക്കുന്നത്. യുഎഇ ഇന്ധനവില നിർണ്ണയ സമിതി ഇന്നലെയാണ് പുതുക്കിയ നിരക്കുകൾ പുറത്തുവിട്ടത്.
ഡിസംബറിൽ സൂപ്പർ 98 പെട്രോളിന് ലിറ്ററിന് 2.70 ദിർഹമായിരുന്നു വില. അതേസമയം, സ്പെഷ്യൽ 95 ന് ലിറ്ററിന് 2.42 ദിർഹമായി കുറയും. കഴിഞ്ഞ മാസം ഇത് 2.58 ദിർഹമായിരുന്നു.
ഇപ്ലസ് വിഭാഗം പെട്രോൾ ഡിസംബറിൽ ലിറ്ററിന് 2.51 ദിർഹത്തിൽ നിന്ന് 2.34 ദിർഹത്തിലേക്ക് കുറഞ്ഞു. ഡീസലിന് ഇപ്പോൾ ലിറ്ററിന് 2.55 ദിർഹമാണ്. കഴിഞ്ഞ മാസം ഇത് 2.85 ദിർഹമായിരുന്നു.
അന്താരാഷ്ട്ര വിപണിയിലെ ക്രൂഡ് ഓയിൽ വിലയിലുണ്ടായ ഇടിവാണ് പ്രാദേശിക വിപണിയിലും പ്രതിഫലിച്ചത്. നാളെ മുതൽ പുതിയ നിരക്കുകൾ പ്രാബല്യത്തിൽ വരും. പുതുവർഷത്തിൽ കുറഞ്ഞ ഇന്ധന നിരക്കുകൾ പ്രവാസികൾ ഉൾപ്പെടെയുള്ള താമസക്കാർക്ക് വലിയ ആശ്വാസമാണ് നൽകുന്നത്.
