സൗദി ടൂറിസം നിയമലംഘനങ്ങൾക്ക് 25,000 റിയാൽ വരെ പിഴ
റിയാദ്: സൗദിയിലെ ടൂറിസ്റ്റ് മാർഗനിർദ്ദേശ ചട്ടങ്ങൾ ലംഘിക്കുന്നവർക്ക് 25,000 സൗദി റിയാൽ വരെ പിഴ ചുമത്തും. ടൂർ ഗൈഡിംഗ് പ്രവർത്തനങ്ങളുമായി ബന്ധപ്പെട്ട നിയമലംഘനങ്ങൾക്കുള്ള പിഴ ഷെഡ്യൂളിലെ ഭേദഗതികൾക്ക് ടൂറിസം മന്ത്രാലയം അംഗീകാരം നൽകി.
പിഴ ഈടാക്കുന്നത് ടൂർ ഗൈഡിംഗുമായി ബന്ധപ്പെട്ട ഗുരുതരമായ ലംഘനങ്ങൾക്കാണ്. പുതിയ ഭേദഗതി അനുസരിച്ചുള്ള ഏറ്റവും പ്രധാനപ്പെട്ട ലംഘനങ്ങൾ ഇവയാണ്:
- സാധുവായ ലൈസൻസില്ലാതെ ടൂർ ഗൈഡ് പ്രവർത്തനം നടത്തുക.
- ഇതിൽ, ലൈസൻസ് കാലാവധി കഴിഞ്ഞതിന് ശേഷവും റദ്ദാക്കിയ ശേഷവും അല്ലെങ്കിൽ സസ്പെൻഷൻ കാലയളവിലും പ്രവർത്തനം തുടരുന്നത് ഉൾപ്പെടുന്നു.
- ലൈസൻസ് മറ്റൊരാൾക്ക് ഉപയോഗിക്കാൻ നൽകുക.
- ടൂറിസ്റ്റുകൾക്ക് തെറ്റിദ്ധാരണയുണ്ടാക്കുന്ന വിവരങ്ങൾ നൽകുക, പ്രത്യേകിച്ച് രാജ്യത്തിന്റെ പ്രശസ്തിക്കോ ടൂറിസം താൽപ്പര്യങ്ങൾക്കോ ദോഷകരമായി ബാധിക്കുന്ന വിവരങ്ങൾ നൽകുക.
ഈ ലംഘനങ്ങളെല്ലാം ഗുരുതരമായ നിയമലംഘനങ്ങളായി കണക്കാക്കപ്പെടും.
