കണ്ണൂരിൽ ഭിന്നശേഷിക്കാരിയുടെ ചികിത്സാ സഹായ വിഡിയോയിലെ ക്യുആർ കോഡ് മാറ്റി തട്ടിപ്പ്; കേസെടുത്ത് പൊലീസ്

കണ്ണൂർ: ഭിന്നശേഷിക്കാരിയായ മകളുടെ ചികിത്സാബാധ്യതകൾ തീർക്കുന്നതിനായി തയ്യാറാക്കിയ സഹായ വിഡിയോ ദുരുപയോഗം ചെയ്ത് ലക്ഷങ്ങളുടെ തട്ടിപ്പ്. കണ്ണൂർ തളിപ്പറമ്പ് സ്വദേശി സജിനയുടെയും മകളുടെയും വിഡിയോയിലെ ഒറിജിനൽ ക്യുആർ കോഡ് മാറ്റി വ്യാജ കോഡ് നൽകിയാണ് സംഘം തട്ടിപ്പ് നടത്തിയത്. ‘നൂറാൻ ഫൗണ്ടേഷൻ’ എന്ന പേജിലാണ് ഈ വ്യാജ വിഡിയോ പ്രത്യക്ഷപ്പെട്ടത്.

വിഡിയോ വ്യാജമാണെന്ന് കമൻ്റിട്ട തങ്ങളെ പേജ് അധികൃതർ ബ്ലോക്ക് ചെയ്തതായി സജിന പറഞ്ഞു. സജിനയുടെ പരാതിയിൽ പരിയാരം പൊലീസ് കേസെടുത്ത് അന്വേഷണം ആരംഭിച്ചു. പണം തട്ടിയ തട്ടിപ്പുകാരെ ഉടൻ കണ്ടെത്തണമെന്നാണ് കുടുംബത്തിൻ്റെ ആവശ്യം.