ഇന്ത്യയില് എഐ തട്ടിപ്പുകള് തകര്ക്കാന് ഗൂഗിള്; ‘സേഫ്റ്റി ഫസ്റ്റ്’ എഐ റോഡ്മാപ്പ് പ്രഖ്യാപിച്ചു
ന്യൂഡല്ഹി: രാജ്യത്തെ കുട്ടികള്, കൗമാരക്കാര്, പ്രായമായവര് എന്നിവരെ ആര്ട്ടിഫിഷ്യല് ഇന്റലിജന്സിന്റെ (എഐ) സംരക്ഷണ പരിധിയിലെത്തിക്കാന് ഗൂഗിള് രംഗത്ത്. ഇന്ത്യയ്ക്കായി സുരക്ഷയ്ക്ക് പ്രഥമ പരിഗണന നല്കുന്ന വിശാലമായ റോഡ് മാപ്പ് ടെക്നോളജിയാണ് യുഎസ് ടെക് ഭീമന് ഇന്നലെ അവതരിപ്പിച്ചത്.
ഉപയോക്താക്കള്ക്ക് എഐ വഴി കൂടുതല് സുരക്ഷ നല്കുന്നതിന്റെ ഭാഗമായാണ് ഗൂഗിള് ഡിവൈസ് റിയല്ടൈം ആന്റിസ്കാം ടൂളുകള്, ടെക്സ്റ്റ് വാട്ടര്മാര്ക്കിംഗ്, ഡിജിറ്റല് സാക്ഷരതാ പ്രോഗ്രാമുകള് എന്നിവ പുറത്തിറക്കിയത്.
ജെമിനി നാനോ നല്കുന്ന സ്കാം ഡിറ്റക്ഷന്, കോളുകള് തത്സമയം വിശകലനം ചെയ്യുന്നതിനും, ഓഡിയോ, ട്രാന്സ്ക്രിപ്റ്റുകള് റെക്കോര്ഡുചെയ്യാതെയോ ഗൂഗിളുമായി ഡാറ്റ പങ്കിടാതെയോ പൂര്ണ്ണമായും ഉപകരണത്തില് തന്നെ സാധ്യമായ സ്കാമുകള് ഫ്ലാഗ് ചെയ്യുന്നതിനുമായി പിക്സല് ഫോണുകളില് സൗകര്യം വ്യാപിപ്പിക്കുമെന്ന് കമ്പനി പുറത്തിറക്കിയ പ്രസ്താവനയില് പറഞ്ഞു.
സ്കാം ഡിറ്റക്ഷന് ഫീച്ചര് ഡിഫോള്ട്ടായി ഓഫാകും, അജ്ഞാത നമ്പറുകളില് നിന്നുള്ള കോളുകള്ക്കാണ് ഇത്് ബാധകമാവുക. ഉപയോക്താവിന് ഇത് ഓഫാക്കാന് കഴിയുമെന്നും കമ്പനി കൂട്ടിച്ചേര്ത്തു.
സിന്തൈഡ് ഡിറ്റക്ടറിന്റെ ലഭ്യത വിപുലീകരിക്കുകയും ഉത്തരവാദിത്തമുള്ള എഐ ടൂള്കിറ്റിന്റെ ഓപ്പണ് സോഴ്സ് ഘടകമായി സിന്തൈഡ് ടെക്സ്റ്റ് വാട്ടര്മാര്ക്കിംഗ് ടൂള് പുറത്തിറക്കുകയും ചെയ്യുന്നുണ്ടെന്നും, എഐ ജനറേറ്റഡ് ഇമേജുകളും ഓഡിയോയും തിരിച്ചറിയാനായി വാട്ടര്മാര്ക്കിംഗ് സാങ്കേതികവിദ്യ സഹായകമാണെന്നും ഗൂഗിള് വ്യക്തമാക്കി.
വഞ്ചനകളെയും തട്ടിപ്പുകളെയും ചെറുക്കുന്നതിനും കുട്ടികള്ക്കും കൗമാരക്കാര്ക്കും സുരക്ഷിതമായ ഡിജിറ്റല് പഠന അന്തരീക്ഷം സൃഷ്ടിക്കുന്നതിനും ഇന്ത്യഎഐ മിഷനുമായി യോജിച്ചാണ് എഐ അധിഷ്ഠിത സൈബര് പ്രതിരോധ ഉപകരണങ്ങള് രാജ്യത്ത് വിതരണം ചെയ്യുന്നതെന്ന് ഗൂഗിള് പറഞ്ഞു. ഇന്ത്യയിലെ സൈബര്പീസ് ഫൗണ്ടേഷന് 2 ലക്ഷം ഡോളര് ഗ്രാന്റും കമ്പനി പ്രഖ്യാപിച്ചു.
ഡിജിറ്റല് സമ്പദ്വ്യവസ്ഥ കുതിച്ചുയരുന്ന ഇന്ത്യയില്, എഐയിലേക്ക് മാറുന്നതിനനുസരിച്ച് ഉപയോക്തൃ വിശ്വാസം നിലനിര്ത്തുന്നതിനായി രൂപകല്പ്പന ചെയ്തിരിക്കുന്ന എഐ സംവിധാനങ്ങള് ഗൂഗിള് നിരന്തരം നിര്മ്മിക്കുകയാണെന്ന് ഗൂഗിളിന്റെ സ്വകാര്യത, സുരക്ഷ വിഭാഗം വൈസ് പ്രസിഡന്റ് ഇവാന് കോട്സോവിനോസ് പറഞ്ഞു.
