കൊല്ലത്ത് പാറാവ് ഡ്യൂട്ടി കഴിഞ്ഞ് വിശ്രമ മുറിയിലേക്ക് പോയ പൊലീസുകാരിക്ക് നേരെ പൊലീസുകാരൻ്റെ ലൈംഗികാതിക്രമം; സസ്പെൻഷൻ
കൊല്ലം: പൊലീസുകാരിക്ക് നേരെ ലൈംഗിക അതിക്രമം നടത്തിയ പൊലീസുകാരന് സസ്പെന്ഷന്. സിവില് പൊലീസ് ഓഫീസര് നവാസിനെയാണ് സിറ്റി പൊലീസ് കമ്മീഷണര് സസ്പെന്ഡ് ചെയ്തത്. നീണ്ടകര കോസ്റ്റല് പൊലീസ് സ്റ്റേഷനില് ഡെപ്യൂട്ടേഷനില് ജോലി ചെയ്തുവരവെ ആയിരുന്നു സംഭവം നടന്നത്.
നവംബര് ആറാം തീയതി പുലര്ച്ചെ പാറാവ് ഡ്യൂട്ടി കഴിഞ്ഞ് വിശ്രമ മുറിയിലേക്ക് പോയ പൊലീസുകാരിയാണ് അതിക്രമത്തിന് ഇരയായത്. പൊലീസുകാരി കമ്മീഷണര്ക്ക് നല്കിയ പരാതിയില് ചവറ പൊലീസ് കേസെടുത്തിരുന്നു. പൊലീസ് സേനയുടെ അന്തസ്സിന് കളങ്കം വരുത്തുന്ന പ്രവര്ത്തിയാണ് നവാസ് ചെയ്തതെന്ന നിരീക്ഷണത്തിലാണ് സസ്പെന്ഷന് നടപടി.
