തൃശൂർ: വീട്ടിൽ തിരിച്ചെത്താൻ വൈകിയെന്ന കാരണത്താൽ ഭാര്യയെ ക്രൂരമായി മർദിച്ച ബിജെപി നേതാവിനെതിരെ പോലീസ് കേസെടുത്തു. ബിജെപി തൃശൂർ സൗത്ത് പ്രസിഡന്റ് ശ്രീകുമാറിനെതിരെയാണ് വധശ്രമം, ഗാർഹിക പീഡനം എന്നീ വകുപ്പുകൾ ചുമത്തി കേസെടുത്തിരിക്കുന്നത്. കഴിഞ്ഞ ചൊവ്വാഴ്ച വൈകുന്നേരമായിരുന്നു സംഭവം. ഭാര്യയുടെ തല ചുമരിലിടിക്കുകയും മുഖത്ത് ക്രൂരമായി അടിക്കുകയും ചെയ്തതായാണ് പോലീസിന് ലഭിച്ച പരാതിയിൽ പറയുന്നത്. മർദനമേറ്റതിനെ തുടർന്ന് പരിക്കേറ്റ ഭാര്യയെ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ പോലീസ് എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചു.Read More
