ഇന്ധനവില കുറച്ച് നയാര എനർജി; വാണിജ്യ എൽപിജി സിലിണ്ടറിനും വില കുറഞ്ഞു

ന്യൂഡൽഹി: രാജ്യത്ത് പെട്രോൾ, ഡീസൽ വില കുറച്ച് പ്രമുഖ സ്വകാര്യ കമ്പനിയായ നയാര എനർജി. പെട്രോളിന് അഞ്ചും ഡീസലിന് മൂന്നും രൂപയുമാണ് കുറച്ചത്. പശ്ചിമേഷ്യൻ പ്രതിസന്ധിയിൽ അയവു വന്നതോടെയാണ് കഴിഞ്ഞ രണ്ടു വർഷത്തിനിടയിൽ ആദ്യമായി ഒരു കമ്പനി ഇന്ധനവില കുറയ്ക്കുന്നത്. ഹോർമുസ് കടലിടുക്ക് വഴിയുള്ള വാണിജ്യ കപ്പൽ ഗതാഗതം സാധാരണഗതിയിലായതും ഇതിന് കാരണമായി.

ഇതിനുപുറമേ, രാജ്യത്ത് വാണിജ്യ എൽപിജി സിലിണ്ടറിന്റെ വിലയും കുറച്ചിട്ടുണ്ട്. 19 കിലോയുള്ള സിലിണ്ടറിന് 183.50 രൂപയാണ് കുറച്ചത്. ഇതോടെ പുതുക്കിയ വില 2390 രൂപയായി. അതേസമയം, ഗാർഹിക ആവശ്യത്തിനുള്ള സിലിണ്ടറിന്റെ വിലയിൽ മാറ്റമില്ല.