നടിയെ ആക്രമിച്ച കേസില് ദിലീപിന്റെ ഭാവി എന്താകും? ഡിസംബര് എട്ടിനു വിധി പറയും
കൊച്ചി: സംസ്ഥാനത്ത് ഏറെ കോളിളക്കം സൃഷ്ടിച്ച നടി ആക്രമിക്കപ്പെട്ട കേസില് വര്ഷങ്ങള് നീണ്ട വിചാരണ പൂര്ത്തിയായി. കേസില് നിര്ണായകമായ വിധി ഡിസംബര് എട്ടിനു പറയും. കേസിന്റെ വിചാരണ പൂര്ത്തിയായ സാഹചര്യത്തിലാണ് എറണാകുളം പ്രത്യേക സിബിഐ കോടതി വിധി പ്രഖ്യാപിക്കുന്ന തീയതി മാറ്റിയത്. നടന് ദിലീപ് അടക്കം 10 പ്രതികളാണ് വിചാരണ നേരിട്ടത്.
2017 ഫെബ്രുവരിയിലാണ് കേസിനാസ്പദമായ സംഭവം നടന്നത്. തൃശ്ശൂരില് നിന്ന് കൊച്ചിയിലേക്ക് യാത്ര ചെയ്യുകയായിരുന്ന നടിയെ ഒരു സംഘം ആളുകള് സഞ്ചരിക്കുന്ന വാഹനത്തില് വെച്ച് ആക്രമിക്കുകയായിരുന്നു. നടിയെ ആക്രമിക്കാന് ക്വട്ടേഷന് നല്കിയത് ദിലീപാണെന്നാണ് പ്രോസിക്യൂഷന് ആരോപിച്ചത്. കേസില് എട്ടാം പ്രതിയാണ് ദിലീപ്.
സംഭവം നടന്ന ഉടന് തന്നെ ആക്രമണത്തിന് പിന്നിലെ പ്രധാനികളെ പോലീസ് അറസ്റ്റ് ചെയ്തിരുന്നു. പിന്നീട് ഗൂഢാലോചന കുറ്റം ചുമത്തി ദിലീപിനെയും അറസ്റ്റ് ചെയ്തു.
കേസിന്റെ വിചാരണ നീണ്ട വര്ഷങ്ങളായി തുടരുകയും നിരവധി സാക്ഷികളെ വിസ്തരിക്കുകയും ചെയ്തിരുന്നു. വിചാരണാ വേളയില് നിരവധി തവണ സാക്ഷി മൊഴികള് മാറ്റിയതും ചില സാക്ഷികള് കൂറുമാറിയതും വാര്ത്തയായി.
