മസ്കത്തിൽ മലയാളി ഫാർമസിസ്റ്റ് താമസസ്ഥലത്ത് മരിച്ച നിലയിൽ
മസ്കത്ത്: തിരുവനന്തപുരം നെടുമങ്ങാട് സ്വദേശിയായ മലയാളി ഫാർമസിസ്റ്റിനെ ഒമാനിലെ താമസസ്ഥലത്ത് മരിച്ച നിലയിൽ കണ്ടെത്തി. നെടുമങ്ങാട് സ്വദേശി ശിവകുമാർ മോഹൻ കുമാറാണ് (42) മസ്കത്തിലെ വാദി കബീറിലുള്ള മുറിയിൽ മരണപ്പെട്ടത്. ദീർഘകാലമായി മസ്കത്ത് ഫാർമസിയിൽ ഫാർമസിസ്റ്റായി ജോലി ചെയ്തുവരികയായിരുന്നു.
അവധിക്ക് ശേഷം ഒരാഴ്ച മുൻപാണ് അദ്ദേഹം നാട്ടിൽ നിന്ന് തിരികെ മസ്കത്തിൽ എത്തിയത്. മോഹൻകുമാർ-ഇന്ദിര ദമ്പതികളുടെ മകനാണ്. സ്വാതി ശിവകുമാറാണ് ഭാര്യ. സ്വാതിക്, യാഗ് എന്നിവർ മക്കളാണ്.
