സിപിഎം, ഡിവൈഎഫ്ഐ മുൻ നേതാക്കളും യൂത്ത് കോൺഗ്രസ് സംസ്ഥാന സെക്രട്ടറിയും ബിജെപിയിൽ
തിരുവനന്തപുരം: മുൻ സിപിഎം നേതാക്കളും യൂത്ത് കോൺഗ്രസ് സംസ്ഥാന സെക്രട്ടറിയും ബിജെപിയിൽ ചേർന്നു. കഴക്കൂട്ടം ബ്ലോക്ക് പഞ്ചായത്ത് മുൻ പ്രസിഡന്റായിരുന്ന ആനി അശോകൻ ഉൾപ്പെടെയുള്ളവരാണ് ഇന്ന് ബിജെപി അംഗത്വം സ്വീകരിച്ചത്. മുൻ മന്ത്രി കടകംപള്ളി സുരേന്ദ്രനെതിരെ ആരോപണമുന്നയിച്ചതിനെ തുടർന്ന് സിപിഎമ്മിൽ നിന്ന് പുറത്താക്കപ്പെട്ട നേതാവാണ് ആനി അശോകൻ.
ആനി അശോകനൊപ്പം ഡിവൈഎഫ്ഐ മുൻ കൂന്തല്ലൂർ ലോക്കൽ സെക്രട്ടറി ഡി ഹരീഷ്, മുൻ മേഖല ജോയിന്റ് സെക്രട്ടറി വി ദിലീപ്, ഡിവൈഎഫ്ഐ നേതാവ് അഖിൽ വേണു, യൂത്ത് കോൺഗ്രസ് സംസ്ഥാന സെക്രട്ടറി ഇസ്സാൻ ഹുസൈൻ എന്നിവരും ബിജെപിയിൽ ചേർന്നതായി ബിജെപി നേതാവ് എസ് സുരേഷ് അറിയിച്ചു. വരാനിരിക്കുന്ന നിയമസഭാ തെരഞ്ഞെടുപ്പ് നിർണായകമാണെന്നും സർക്കാർ നയങ്ങളോടുള്ള വിയോജിപ്പ് കാരണം കൂടുതൽ പേർ ബിജെപിയിലേക്ക് വരികയാണെന്നും അദ്ദേഹം പറഞ്ഞു.
