പ്രതിപക്ഷ നേതാവ് വി.ഡി സതീശന് ഖത്തറില്; ഇന്കാസ് കുടുംബസംഗമത്തില് പങ്കെടുക്കും
ദോഹ: ഇന്കാസ് ഖത്തര് സംഘടിപ്പിക്കുന്ന കുടുംബസംഗമത്തില് പങ്കെടുക്കുന്നതിനായി പ്രതിപക്ഷ നേതാവ് വി.ഡി സതീശന് ദോഹയിലെത്തി. ഹമദ് ഇന്റര്നാഷണല് എയര്പോര്ട്ടിലെത്തിയ അദ്ദേഹത്തിന് ഇന്കാസ് ഖത്തര് നാഷണല് കമ്മറ്റിയുടെ നേതൃത്വത്തില് ഊഷ്മളമായ സ്വീകരണമാണ് നല്കിയത്.
ഇന്കാസ് ഖത്തര് നാഷണല് കമ്മറ്റി പ്രസിഡന്റ് സിദ്ദീഖ് പുറായില്, ജനറല് സെക്രട്ടറി ബോബന്, ട്രഷറര് ജീസ് ജോസഫ് എന്നിവരുടെ നേതൃത്വത്തിലുള്ള സംഘം വന് വരവേല്പ്പാണ് ഒരുക്കിയത്. രക്ഷാധികാരി ജോപ്പച്ചന് തെക്കേക്കൂറ്റ്, അഡ്വൈസറി ബോര്ഡ് ചെയര്മാന് സമീര് ഏറാമല, അഡ്വൈസറി ബോര്ഡ് മെമ്പര് ബഷീര് തുവാരിക്കല് തുടങ്ങിയവരും മറ്റ് മുതിര്ന്ന നേതാക്കളും പ്രവര്ത്തകരും വിമാനത്താവളത്തില് എത്തിയിരുന്നു.
ഇന്കാസ് ഖത്തര് ഘടകം സംഘടിപ്പിക്കുന്ന വിപുലമായ കുടുംബസംഗമത്തില് മുഖ്യാതിഥിയായാണ് വി.ഡി സതീശന്.
