‘ഡാഷ് മോനേ രേവന്താ’; തെലങ്കാന മുഖ്യമന്ത്രി രേവന്ത് റെഡ്ഡിക്കെതിരെ അസഭ്യപ്രയോഗവുമായി മുഖ്യമന്ത്രി

തിരുവനന്തപുരം: രേവന്ത് റെഡ്ഡിക്ക് മറുപടിയുമായി മുഖ്യമന്ത്രി. തെലങ്കാന മുഖ്യമന്ത്രിയുടെ ‘നീ പോ മോനേ വിജയാ’ എന്ന അധിക്ഷേപ പരാമർശത്തിന് അതേ ശൈലിയിൽ തിരിച്ചടി നൽകിയിരിക്കുകയാണ് പിണറായി വിജയൻ. “ഡാഷ് മോനേ രേവന്താ മറുപടി വരുന്നുണ്ട്” എന്ന് മാത്രമാണ് നിലവിൽ പറയാനുള്ളതെന്ന് അദ്ദേഹം വാർത്താസമ്മേളനത്തിൽ വ്യക്തമാക്കി.

മുഖ്യമന്ത്രി പദവിയിലിരിക്കുന്ന ഒരാൾ പാലിക്കേണ്ട മര്യാദകൾ രേവന്ത് റെഡ്ഡി കാണിക്കുന്നുണ്ടോ എന്ന് അദ്ദേഹം സ്വയം പരിശോധിക്കണം. ആരോപണങ്ങൾക്ക് മറുപടി നൽകാൻ ഇപ്പോൾ സമയമില്ലെന്നും പിണറായി വിജയൻ കൂട്ടിച്ചേർത്തു.

നേരത്തെ, കേരളത്തിലെയും തെലങ്കാനയിലെയും വികസനത്തെക്കുറിച്ച് നേർക്കുനേർ ചർച്ചയ്ക്ക് തയ്യാറാണെന്ന് കാട്ടി രേവന്ത് റെഡ്ഡി കത്ത് പുറത്തുവിട്ടിരുന്നു. ഈ കത്തിലും അധിക്ഷേപകരമായ പരാമർശം അദ്ദേഹം ആവർത്തിച്ചിരുന്നു. ഇതിനെതിരെയാണ് മുഖ്യമന്ത്രി ഇപ്പോൾ കടുത്ത ഭാഷയിൽ പ്രതികരിച്ചത്.