പ്രധാനമന്ത്രി നരേന്ദ്ര മോദിക്ക് ഇന്തൊനീഷ്യയുടെ പരമോന്നത പുരസ്കാരം
ജക്കാർത്ത: ഇന്ത്യൻ പ്രധാനമന്ത്രി നരേന്ദ്ര മോദിക്ക് തങ്ങളുടെ പരമോന്നത സിവിലിയൻ ബഹുമതി പ്രഖ്യാപിച്ച് ഇന്തൊനീഷ്യ. വിദേശ ഭരണാധികാരികൾക്കും രാഷ്ട്രത്തലവന്മാർക്കും ഇന്തൊനീഷ്യ നൽകുന്ന ഏറ്റവും ഉയർന്ന പുരസ്കാരമായ ‘ബിന്താങ് റിപ്പബ്ലിക് ഇന്തൊനീഷ്യ ആദിപൂർണ’ (Bintang Republik Indonesia Adipurna – Star of the Republic of Indonesia, First Class) ആണ് പ്രധാനമന്ത്രിക്ക് സമ്മാനിച്ചത്.
ഇരുരാജ്യങ്ങളും തമ്മിലുള്ള ഉഭയകക്ഷി നയതന്ത്ര ബന്ധങ്ങൾ കൂടുതൽ ദൃഢമാക്കുന്നതിനും തന്ത്രപ്രധാനമായ പങ്കാളിത്തം ശക്തമാക്കുന്നതിനും പ്രധാനമന്ത്രി നരേന്ദ്ര മോദി നൽകിയ മികച്ച നേതൃത്വത്തെയും അസാധാരണ സംഭാവനകളെയും മുൻനിർത്തിയാണ് ഇന്തൊനീഷ്യൻ സർക്കാരിന്റെ ഈ ആദരം. പ്രധാനമന്ത്രിയുടെ ഇന്തൊനീഷ്യൻ സന്ദർശന വേളയിൽ ജക്കാർത്തയിൽ വെച്ച് നടന്ന ഉഭയകക്ഷി ചർച്ചകൾക്ക് പിന്നാലെ പ്രസിഡന്റ് പ്രബോവോ സുബിയാന്തോയാണ് പുരസ്കാര പ്രഖ്യാപനം നടത്തിയത്. തുടര്ന്ന് നടന്ന ഔദ്യോഗിക ചടങ്ങിൽ വെച്ച് ബഹുമതി സമ്മാനിക്കുകയും ചെയ്തു.
ഇതോടെ വിദേശ രാജ്യങ്ങളിൽ നിന്ന് പരമോന്നത ആദരം ഏറ്റുവാങ്ങുന്ന പ്രധാനമന്ത്രിയുടെ പുരസ്കാരപ്പട്ടികയിലേക്ക് ഒന്നുകൂടി കൂട്ടിച്ചേർക്കപ്പെട്ടു. അമേരിക്ക, റഷ്യ, ഫ്രാൻസ്, യു.എ.ഇ, സൗദി അറേബ്യ, കുവൈത്ത്, ഗ്രീസ് ഉൾപ്പെടെ ലോകത്തിലെ 27-ഓളം രാജ്യങ്ങൾ തങ്ങളുടെ ഏറ്റവും ഉയർന്ന സിവിലിയൻ ബഹുമതികൾ നൽകി ഇതിനകം നരേന്ദ്ര മോദിയെ ആദരിച്ചിട്ടുണ്ട്. ഈ നിരയിലെ ഏറ്റവും പുതിയ ബഹുമതിയാണ് ഇപ്പോൾ ഇന്തൊനീഷ്യയുടേത്.
