ഈ 7 ഭക്ഷണങ്ങൾ ഫ്രിഡ്ജിൽ വെക്കല്ലേ; ഗുണത്തിന് പകരം ദോഷം ഫലം
ഭക്ഷണസാധനങ്ങൾ കേടുകൂടാതെയിരിക്കാൻ നാം ആശ്രയിക്കുന്നത് ഫ്രിഡ്ജിനെയാണ്. എന്നാൽ എല്ലാ ഭക്ഷണങ്ങൾക്കും തണുപ്പ് അനുയോജ്യമല്ല എന്നതാണ് വാസ്തവം. ചില നിത്യോപയോഗ സാധനങ്ങൾ ഫ്രിഡ്ജിൽ സൂക്ഷിക്കുന്നത് അവയുടെ രുചി നശിപ്പിക്കുക മാത്രമല്ല, ആരോഗ്യത്തിന് ദോഷകരമായി മാറുകയും ചെയ്യും.
ഫ്രിഡ്ജിൽ വെക്കാൻ പാടില്ലാത്ത പ്രധാന ഭക്ഷണങ്ങൾ
- തക്കാളി തണുപ്പ് തക്കാളിയുടെ സ്വാഭാവിക രുചി നഷ്ടപ്പെടുത്തുകയും അവ പെട്ടെന്ന് മൃദുവായി ചീയാൻ കാരണമാകുകയും ചെയ്യും.
- ഉള്ളി ഈർപ്പം ആഗിരണം ചെയ്യുന്നതിനാൽ ഫ്രിഡ്ജിൽ വെച്ചാൽ ഉള്ളി വേഗത്തിൽ പൂപ്പൽ പിടിക്കാൻ സാധ്യതയുണ്ട്.
- ഉരുളക്കിഴങ്ങ് തണുത്ത അന്തരീക്ഷത്തിൽ വെക്കുമ്പോൾ ഉരുളക്കിഴങ്ങിലെ അന്നജം പഞ്ചസാരയായി മാറുന്നു. ഇത് പാകം ചെയ്യുമ്പോൾ രുചി വ്യത്യാസമുണ്ടാക്കും.
- തേൻ ഫ്രിഡ്ജിലെ തണുപ്പിൽ കട്ടിയാവുകയും പരലുകൾ രൂപപ്പെകയും ചെയ്യും. മുറിയിലെ താപനിലയിലാണ് തേൻ സൂക്ഷിക്കേണ്ടത്.
- വെളുത്തുള്ളി തണുപ്പ് വെളുത്തുള്ളി വേഗത്തിൽ മുളയ്ക്കാനും റബ്ബർ പോലെയാകാനും കാരണമാകും.
- ബ്രെഡ് ഫ്രിഡ്ജിൽ വെച്ചാൽ ബ്രെഡ് പെട്ടെന്ന് ഉണങ്ങിപ്പോകുകയും സ്വാഭാവിക മാർദ്ദവം നഷ്ടപ്പെടുകയും ചെയ്യും.
- വാഴപ്പഴം തണുപ്പ് തട്ടിയാൽ വാഴപ്പഴം ശരിയായി പഴുക്കില്ലെന്ന് മാത്രമല്ല, തൊലി വേഗത്തിൽ കറുത്തുപോകുകയും ചെയ്യും.
- തണ്ണിമത്തൻ തണ്ണിമത്തൻ മുറിക്കുന്നതിന് മുൻപ് ഫ്രിഡ്ജിൽ വെച്ചാൽ അതിലെ പ്രധാന ആന്റിഓക്സിഡന്റുകളായ ലൈക്കോപീൻ, ബീറ്റാ കരോട്ടിൻ എന്നിവ നഷ്ടപ്പെടാൻ സാധ്യതയുണ്ട്. എന്നാൽ മുറിച്ച കഷണങ്ങൾ ഫ്രിഡ്ജിൽ സൂക്ഷിക്കാവുന്നതാണ്.
- കാപ്പി കാപ്പിപ്പൊടി ഫ്രിഡ്ജിൽ വെച്ചാൽ ഫ്രിഡ്ജിലെ ഈർപ്പവും മറ്റ് ഭക്ഷണങ്ങളുടെ മണവും അത് ആഗിരണം ചെയ്യും. ഇത് കാപ്പിയുടെ തനതായ സുഗന്ധവും രുചിയും പൂർണ്ണമായും നശിപ്പിക്കും.
- ഫ്രഷ് ഹെർബുകൾ (മല്ലിയില, തുളസി): മല്ലിയില, ബേസിൽ തുടങ്ങിയവ ഫ്രിഡ്ജിലെ തണുപ്പിൽ പെട്ടെന്ന് കരിഞ്ഞുപോകും. ഇവ ഒരു ഗ്ലാസ് വെള്ളത്തിൽ തണ്ടുകൾ ഇറക്കിവെച്ച് മുറിയിലെ താപനിലയിൽ സൂക്ഷിക്കുന്നതാണ് ഏറ്റവും നല്ലത്.
- എണ്ണകൾ ഒലിവ് ഓയിൽ, വെളിച്ചെണ്ണ തുടങ്ങിയവ ഫ്രിഡ്ജിൽ വെച്ചാൽ വെണ്ണ പോലെ കട്ടിയാവുകയും പാചകത്തിന് ഉപയോഗിക്കാൻ പ്രയാസമാവുകയും ചെയ്യും.
- അവോക്കാഡോ കടയിൽ നിന്ന് വാങ്ങുന്ന പാകമാകാത്ത അവോക്കാഡോകൾ ഫ്രിഡ്ജിൽ വെച്ചാൽ അവ ഒരിക്കലും പഴുക്കില്ല. നന്നായി പഴുത്ത ശേഷം മാത്രം ഫ്രിഡ്ജിലേക്ക് മാറ്റുക.
ഭക്ഷണത്തിന്റെ ഗുണനിലവാരവും പോഷകമൂല്യവും നിലനിർത്താൻ ശരിയായ രീതിയിലുള്ള സംഭരണം അനിവാര്യമാണ്.
