‘ഉപഭോക്താക്കളെ പറ്റിക്കരുത്!’ പെപ്സിക്കും റെഡ് ബുളിനും മുന്നറിയിപ്പുമായി കേന്ദ്രം | Red Bull-Pepsi Energy Drink Crackdown
‘ഉപഭോക്താക്കളെ പറ്റിക്കരുത്!’ പെപ്സിക്കും റെഡ് ബുളിനും മുന്നറിയിപ്പുമായി കേന്ദ്രം | Red Bull-Pepsi Energy Drink Crackdown
ന്യൂഡൽഹി: ഊർജപാനീയങ്ങളുടെ(എനർജി ഡ്രിങ്ക്സ്) പരസ്യങ്ങളിലും കാൻ കവറുകളിലും കടുത്ത നിയന്ത്രണങ്ങൾ കടുപ്പിച്ച് കേന്ദ്ര ഭക്ഷ്യസുരക്ഷാ ഗുണനിലവാര അതോറിറ്റി(എഫ്.എസ്.എസ്.എ.ഐ)| Red Bull-Pepsi Energy Drink Crackdown. റെഡ് ബുൾ, പെപ്സികോ, മോൺസ്റ്റർ തുടങ്ങിയ പ്രമുഖ പാനീയ നിർമാണ കമ്പനികളുടെ കടുത്ത എതിർപ്പുകളെ അവഗണിച്ചാണ് കേന്ദ്ര ഏജൻസി കടുത്ത നടപടിയുമായി മുന്നോട്ടുപോകുന്നത്.
‘എനർജി ഡ്രിങ്ക്’ എന്ന പേര് തങ്ങളുടെ ഉൽപ്പന്നങ്ങളുടെ പാക്കറ്റുകളിൽനിന്നും പരസ്യങ്ങളിൽനിന്നും പൂർണമായും ഒഴിവാക്കാൻ കമ്പനികൾക്ക് എഫ്.എസ്.എസ്.എ.ഐ 90 ദിവസത്തെ സാവകാശം നൽകി. വലിയ അളവിൽ കഫീനും പഞ്ചസാരയും അടങ്ങിയ ഈ പാനീയങ്ങൾ ‘എനർജി ഡ്രിങ്ക്’ എന്ന പേരിൽ വിപണിയിലിറക്കുന്നത് ഉപഭോക്താക്കളിൽ, പ്രത്യേകിച്ച് ചെറുപ്പക്കാരിൽ തെറ്റിദ്ധാരണ ഉണ്ടാക്കുന്നുവെന്ന് ചൂണ്ടിക്കാട്ടിയാണു നടപടി.
കമ്പനികളുടെ പ്രക്ഷോഭവും സർക്കാരിന്റെ ഉറച്ച നിലപാടും | Red Bull-Pepsi Energy Drink Crackdown
ഉൽപ്പന്നങ്ങളുടെ പേരിലും റീ-ബ്രാൻഡിങ്ങിലും മാറ്റം വരുത്തുന്നത് തങ്ങൾക്ക് കോടിക്കണക്കിന് രൂപയുടെ സാമ്പത്തിക നഷ്ടവും വിപണിയിൽ വൻ തിരിച്ചടിയും ഉണ്ടാക്കുമെന്ന് പെപ്സി, റെഡ് ബുൾ, മോൺസ്റ്റർ എന്നീ ആഗോള ഭീമന്മാർ കേന്ദ്ര സർക്കാരിനെ അറിയിച്ചിരുന്നു. എന്നാൽ, ഉപഭോക്താക്കളുടെ ആരോഗ്യ സുരക്ഷയ്ക്കാണ് മുൻഗണനയെന്ന് വ്യക്തമാക്കി കേന്ദ്രം കമ്പനികളുടെ അപേക്ഷ തള്ളുകയായിരുന്നു.
നിയമ ലംഘനം തുടരുന്ന കമ്പനികൾക്കെതിരെ പിഴ ചുമത്തുന്നതടക്കമുള്ള കടുത്ത ശിക്ഷാ നടപടികളിലേക്ക് കടക്കാനാണ് എഫ്.എസ്.എസ്.എ.ഐ തീരുമാനം.
എന്താണ് പുതിയ മാറ്റം? | Red Bull-Pepsi Energy Drink Crackdown
‘എനർജി ഡ്രിങ്ക്’ എന്നതിന് പകരം ഇത്തരം ഉൽപന്നങ്ങളിൽ ‘കാർബൊനേറ്റഡ് വാട്ടർ (കഫീനേറ്റഡ് പാനീയം) എന്ന് വ്യക്തമായി രേഖപ്പെടുത്തണം. കുട്ടികൾ, ഗർഭിണികൾ, മുലയൂട്ടുന്ന അമ്മമാർ, കഫീൻ അലർജിയുള്ളവർ എന്നിവർ ഈ പാനീയം ഉപയോഗിക്കരുത് എന്ന വ്യക്തമായ സാക്ഷ്യപത്രം ഓരോ കാനിന്റെയും മുൻഭാഗത്ത് ദൃശ്യമാകുന്ന രീതിയിൽ അച്ചടിക്കണം. ഒരു ദിവസം ഉപയോഗിക്കാവുന്ന കഫീന്റെ സുരക്ഷിതമായ അളവും കാനുകളിൽ രേഖപ്പെടുത്തുന്നത് നിർബന്ധമാക്കിയിട്ടുണ്ട്.
ആരോഗ്യ വിദഗ്ധർ ദീർഘകാലമായി ഉന്നയിക്കുന്ന ആവശ്യത്തിനാണ് ഇപ്പോൾ കേന്ദ്ര ഏജൻസി അംഗീകാരം നൽകിയിരിക്കുന്നത്. 90 ദിവസത്തെ സാവകാശം പൂർത്തിയാകുന്നതോടെ വിപണിയിലുള്ള പഴയ സ്റ്റോക്കുകൾ തിരിച്ചുവിളിക്കാനോ പായ്ക്കിങ്ങിൽ മാറ്റം വരുത്താനോ കമ്പനികൾ നിർബന്ധിതരാകും.
