ഇക്കാര്യം ചെയ്തില്ലേ? നാളെ മുതൽ നിങ്ങളുടെ ഗ്യാസ് കണക്ഷൻ ‘കട്ടാകും’! | LPG New Rules September 2026
ന്യൂഡൽഹി: രാജ്യത്തെ കോടിക്കണക്കിന് ഗാർഹിക എൽപിജി ഉപഭോക്താക്കളെ ബാധിക്കുന്ന സുപ്രധാന മാറ്റങ്ങങ്ങൾ സെപ്റ്റംബർ ഒന്നു മുതൽ പ്രാബല്യത്തിൽ വരുന്നു(LPG New Rules September 2026). ഇൻഡെയ്ൻ, ഭാരത് ഗ്യാസ്, എച്ച്പി ഗ്യാസ് തുടങ്ങിയ പ്രമുഖ എണ്ണക്കമ്പനികളുടെ സിലിണ്ടർ വിതരണം, ആധാർ അടിസ്ഥാനമാക്കിയുള്ള ഇ-കെവൈസി വെരിഫിക്കേഷൻ, ബുക്കിങ് ഇടവേളകൾ, പുതിയ കണക്ഷൻ നടപടിക്രമങ്ങൾ എന്നിവയിലാണ് വലിയ പരിഷ്കാരങ്ങൾ ഏർപ്പെടുത്തിയിട്ടുള്ളത്. വ്യാജ കണക്ഷനുകൾ തടയുന്നതിനും ഗാർഹിക സബ്സിഡികൾ യഥാർഥ ഗുണഭോക്താക്കളിലേക്ക് മാത്രം എത്തിക്കുന്നതിനുമായി കേന്ദ്ര പെട്രോളിയം മന്ത്രാലയവും പൊതുമേഖലാ എണ്ണക്കമ്പനികളും സംയുക്തമായാണ് ഈ നടപടികൾ കർശനമാക്കിയിരിക്കുന്നത്.
ഇ-കെവൈസി നിർബന്ധം; പൂർത്തിയാക്കാത്തവർക്ക് ഗാർഹിക നിരക്കുകൾ നഷ്ടമാകും | LPG New Rules September 2026
എൽപിജി ഉപഭോക്താക്കൾക്കായുള്ള ആധാർ അധിഷ്ഠിത ബയോമെട്രിക് ഇ-കെവൈസി പൂർത്തിയാക്കുന്നതിനുള്ള സമയപരിധി ഓഗസ്റ്റ് 31 ആയിരുന്നു. നിർദിഷ്ട സമയത്തിനകം വെരിഫിക്കേഷൻ പൂർത്തിയാക്കാത്ത ഉപഭോക്താക്കളുടെ സിലിണ്ടർ കണക്ഷനുകൾ താൽക്കാലികമായി നിർജീവമാക്കുകയോ അവർക്ക് ഗാർഹിക സബ്സിഡി നിരക്കിൽ സിലിണ്ടർ ലഭിക്കുന്നത് തടയുകയോ ചെയ്യുമെന്നാണു മന്ത്രാലയം അറിയിച്ചിട്ടുള്ളത്. ഇത്തരക്കാർക്ക് തുടർന്ന് വാണിജ്യ നിരക്കിലോ ഫ്രീ-ട്രേഡ് കാറ്റഗറിയിലോ മാത്രമേ സിലിണ്ടറുകൾ ലഭ്യമാകൂ എന്ന മുന്നറിയിപ്പും അധികൃതർ നൽകിയിട്ടുണ്ട്.
സ്മാർട്ട്ഫോൺ ഉപയോഗിച്ച് വീട്ടിലിരുന്നുതന്നെ അതത് കമ്പനികളുടെ മൊബൈൽ ആപ്പുകൾ വഴിയോ ആധാർ ഫേസ് ആർഡി സംവിധാനം വഴിയോ ഉപഭോക്താക്കൾക്ക് ഇ-കെവൈസി പൂർത്തിയാക്കാൻ സാധിക്കും. ഓൺലൈൻ സാങ്കേതികവിദ്യകൾ വശമില്ലാത്ത സാധാരണക്കാർക്ക് തങ്ങളുടെ അടുത്തുള്ള ഗ്യാസ് ഏജൻസി ഓഫീസുകളിൽ നേരിട്ടെത്തിയോ സിലിണ്ടർ വിതരണം ചെയ്യുന്ന ഡെലിവറി ജീവനക്കാർ വഴിയോ ബയോമെട്രിക് വിവരങ്ങൾ രേഖപ്പെടുത്താൻ സൗകര്യമൊരുക്കിയിട്ടുണ്ട്. ഉപഭോക്താവിന്റെ ആധാർ കാർഡും എൽപിജി ഐഡിയും ബാങ്ക് അക്കൗണ്ടും തമ്മിൽ ശരിയായ രീതിയിൽ ബന്ധിപ്പിക്കപ്പെട്ടാൽ മാത്രമേ സബ്സിഡി തുക ബാങ്ക് അക്കൗണ്ടുകളിലേക്ക് നേരിട്ടെത്തുകയുള്ളൂ.
മാസാദ്യ വില പരിഷ്കരണവും രാജ്യാന്തര വിപണിയും | LPG New Rules September 2026
എല്ലാ മാസത്തിന്റെയും തുടക്കത്തിൽ എണ്ണക്കമ്പനികൾ ഇന്ധന വിലയിൽ മാറ്റം വരുത്താറുണ്ട്. ഇത് സെപ്റ്റംബർ ഒന്നിന് നടപ്പാകും. 14.2 കിലോഗ്രാം തൂക്കമുള്ള ഗാർഹിക സിലിണ്ടറുകളുടെയും 19 കിലോഗ്രാം വരുന്ന വാണിജ്യ സിലിണ്ടറുകളുടെയും വില നിലവാരം രാജ്യാന്തര വിപണിയിലെ അസംസ്കൃത എണ്ണവില, ചരക്കുനീക്കച്ചെലവ്, കസ്റ്റംസ് ഡ്യൂട്ടി, നികുതികൾ എന്നിവ അടിസ്ഥാനമാക്കിയാണ് തീരുമാനിക്കുന്നത്.
കഴിഞ്ഞ മാസങ്ങളിൽ വാണിജ്യ സിലിണ്ടറുകളുടെ വിലയിൽ വലിയ കുറവ് രേഖപ്പെടുത്തിയിരുന്നു. എന്നാൽ, യുദ്ധപശ്ചാത്തലവും രാജ്യാന്തര വിപണിയിലെ ക്രൂഡ് ഓയിൽ ചാഞ്ചാട്ടങ്ങളും പുതിയ നിരക്കുകളിൽ നിർണായക ഘടകമാകും.
റീഫിൽ ബുക്കിങ് ഇടവേളകളും പുതിയ കണക്ഷൻ നിയന്ത്രണങ്ങളും | LPG New Rules September 2026
സിലിണ്ടർ പൂഴ്ത്തിവയ്പ്പും ദുരുപയോഗവും തടയുന്നതിനായി റീഫിൽ സിലിണ്ടറുകൾ ബുക്ക് ചെയ്യുന്നതിനുള്ള സമയപരിധി നിബന്ധനകൾ കമ്പനികൾ തുടരുകയാണ്. ഒരു സിലിണ്ടർ വിതരണം ചെയ്തതിന് ശേഷം അടുത്ത സിലിണ്ടർ ബുക്ക് ചെയ്യുന്നതിന് നഗരപ്രദേശങ്ങളിലും ഗ്രാമപ്രദേശങ്ങളിലും പ്രത്യേക ഇടവേളകൾ പാലിക്കേണ്ടതുണ്ട്. ഇതോടെ അനാവശ്യമായി ഒന്നിലധികം സിലിണ്ടറുകൾ ഒരേസമയം ബുക്ക് ചെയ്യുന്നതിന് നിയന്ത്രണം വരും.
അതോടൊപ്പം പൈപ്പ്ഡ് നാച്ചുറൽ ഗ്യാസ് (പിഎൻജി) സൗകര്യം ലഭ്യമായ നഗരമേഖലകളിൽ പിഎൻജി ശൃംഖലയിലേക്ക് മാറാൻ ഉപഭോക്താക്കളെ പ്രോത്സാഹിപ്പിക്കുന്നതിനുള്ള കേന്ദ്ര പദ്ധതികളും വിപുലീകരിക്കുകയാണ്. എൽപിജി ലഭ്യതയിലെ സമ്മർദം കുറയ്ക്കുന്നതിനും ശുദ്ധമായ ഊർജ സ്രോതസുകളിലേക്ക് കുടുംബങ്ങളെ ആകർഷിക്കുന്നതിനുമായി സിറ്റി ഗ്യാസ് ഡിസ്ട്രിബ്യൂഷൻ കമ്പനികൾക്ക് കൂടുതൽ ആനുകൂല്യങ്ങൾ നൽകി പൈപ്പ് ഗ്യാസ് കണക്ഷനുകളുടെ വിപുലീകരണം വേഗത്തിലാക്കാനാണ് പെട്രോളിയം മന്ത്രാലയത്തിന്റെ നീക്കം. എല്ലാ എൽപിജി ഉപഭോക്താക്കളും തങ്ങളുടെ ഉപഭോക്തൃ വിവരങ്ങളും കെവൈസിയും പൂർണമാണെന്ന് ഉറപ്പുവരുത്തണമെന്ന് എണ്ണക്കമ്പനികൾ നിർദേശിക്കുന്നു.
