‘ആരോടും കൂടുതൽ സംസാരിക്കാത്ത പാവം മനുഷ്യനായിരുന്നു; ടാങ്കിൽ മയക്കുമരുന്ന് ഉള്ളത് അബൂട്ടി അറിഞ്ഞുകാണുമോ?’-കുറിപ്പ് | Abootty Death Penatly Saudi Arabia

ദമാം: സൗദി അറേബ്യയിൽ മയക്കുമരുന്ന് കടത്ത് കേസിൽ കണ്ണൂർ സ്വദേശി വധശിക്ഷയ്ക്ക് വിധേയനായ വാർത്ത പ്രവാസലോകത്ത് വലിയ ഞെട്ടലും വേദനയുമാണ് ഉണ്ടാക്കിയിരിക്കുന്നത്(Abootty Death Penatly Saudi Arabia). ഒമാനിൽനിന്ന് സൗദിയിലേക്ക് കൊണ്ടുവന്ന വാഹനത്തിൽ ഒളിപ്പിച്ച നിലയിൽ 43 കിലോഗ്രാം ലഹരിമരുന്ന് പിടിച്ചെടുത്ത കേസിലാണ് തലശ്ശേരി മാഹി പെരിങ്ങാടി സ്വദേശിയായ അബൂട്ടിയുടെ വധശിക്ഷ ദമ്മാമിൽ നടപ്പാക്കിയത്. എന്നാൽ, യുവാവുമായുള്ള പരിചയം കുറിപ്പുമായി രംഗത്തെത്തിയിരിക്കുകയാണ് ഒമാനിൽ പ്രവാസിയായ നൗഫൽ ചിറ്റാരിപ്പറമ്പ്.

‘കമന്റുകളിലെ അധിക്ഷേപം കാണുമ്പോൾ വേദന തോന്നുന്നു’ | Abootty Death Penatly Saudi Arabia

ഒമാനിൽ മൊബൈൽ ഷോപ്പ് നടത്തുന്ന നൗഫൽ, അബൂട്ടിയുമായുള്ള മുൻകാല പരിചയം അനുസ്മരിച്ചുകൊണ്ടാണ് സോഷ്യൽ മീഡിയയിൽ കുറിപ്പ് പങ്കുവച്ചത്. കടയിലേക്ക് ഫോണുകൾ എത്തിച്ചുനൽകിയിരുന്നത് അബൂട്ടിയായിരുന്നു. ആഴ്ചയിൽ രണ്ടോ മൂന്നോ ദിവസം ഷോപ്പിൽ വരാറുണ്ടായിരുന്നു. ആരോടും കൂടുതൽ ഒന്നും സംസാരിക്കാത്ത ഒരു പാവം മനുഷ്യനായാണു തോന്നിയത്. അതുകൊണ്ടുതന്നെ വലിയ അടുപ്പമോ പരിചയപ്പെടലോ ഉണ്ടായില്ലെന്നും നൗഫൽ വെളിപ്പെടുത്തി.

”പിന്നീട് അവൻ മറ്റൊരു ജോലിയിൽ പ്രവേശിച്ചതായാണ് അറിയാൻ കഴിഞ്ഞത്. സൗദിയിലെ കേസിന്റെ വിവരം അറിഞ്ഞിരുന്നില്ല. ഒമാനിൽനിന്ന് ഒരു വാഹനം സൗദിയിലേക്ക് എത്തിച്ചാൽ കിട്ടുന്ന വലിയ തുകയ്ക്കു വേണ്ടിയാണ് അബൂട്ടിയുടെ അതിനു നിന്നത്. അവൻ ഇതിൽപെട്ടു പോയതാണെന്നാണ് സുഹൃത്തുക്കളിൽനിന്ന് അറിയാൻ സാധിച്ചത്.” (Abootty Death Penatly Saudi Arabia)

പക്ഷേ, ഇരട്ട ടാങ്കുള്ള വാഹനത്തിൻരെ ഒരു ടാങ്ക് മുഴുവൻ മയക്കുമരുന്നായിരുന്നു. ഏകദേശം 43 കിലോയോളം പിടിച്ചെന്നാണ് അറിയാനായത്. അബൂട്ടി ആ വിവരം അറിഞ്ഞിരിക്കുമോ, അറിയാതെ പെട്ടുപോയതാണോ എന്നത് അവനും പടച്ചവനും മാത്രം അറിയുന്ന കാര്യമാണ്. മരിച്ചിട്ടും ചിലർ കമന്റുകളിലൂടെ അധിക്ഷേപിക്കുന്നത് കണ്ടിട്ടു വേദന തോന്നുന്നുണ്ട്. വാഹനത്തിൽ അങ്ങനെയൊ രു സാധനം ഉള്ളത് അവൻ അറിയാതെ സംഭവിച്ചതാണെങ്കിലോ എന്നൊരു ചോദ്യം മനസിനെ അലട്ടുന്നുണ്ടെന്നും നൗഫൽ കൂട്ടിച്ചേർത്തു.

ലഹരിക്കടത്തും നിയമനടപടികളും | Abootty Death Penatly Saudi Arabia

2023ലാണ് കേസിനാസ്പദമായ സംഭവം നടന്നത്. ഒമാനിൽനിന്ന് സൗദി അറേബ്യയിലേക്ക് ജിഎംസി വാനിൽ കടത്താൻ ശ്രമിച്ച സിന്തറ്റിക് ലഹരിമരുന്നാണ് അതിർത്തിയിൽ സുരക്ഷാ ഉദ്യോഗസ്ഥർ പിടികൂടിയത്. വാഹനത്തിൽ രഹസ്യ അറകൾ നിർമിച്ച് വലിയ തോതിൽ ലഹരി കടത്തിയെന്നാണ് കേസ്.

അൽ അഹ്‌സയിലെ വിചാരണക്കോടതി യുവാവിന് 25 വർഷം തടവും പിഴയും വിധിച്ചെങ്കിലും പ്രോസിക്യൂഷൻ നൽകിയ അപ്പീലിൽ കോടതി വധശിക്ഷ വിധിക്കുകയായിരുന്നു. സാധനങ്ങൾ അടങ്ങിയ പാഴ്‌സലാണെന്ന് വിശ്വസിപ്പിച്ച് മറ്റൊരാൾ ഏൽപ്പിച്ച വാഹനം ഓടിക്കുക മാത്രമാണ് ചെയ്തതെന്നും ലഹരിമരുന്നിനെക്കുറിച്ച് അറിയില്ലായിരുന്നുവെന്നും അബൂട്ടി കോടതിയിൽ വാദിച്ചെങ്കിലും തെളിവുകളുടെ അടിസ്ഥാനത്തിൽ മേൽക്കോടതികളും ശിക്ഷ ശരിവച്ചു. തുടർന്ന് റോയൽ ഉത്തരവ് പ്രകാരം ദമാം സെൻട്രൽ ജയിലിൽ ശിക്ഷ നടപ്പാക്കുകയായിരുന്നു.

സൗദി അറേബ്യയിൽ ലഹരിക്കടത്ത് കേസുകളിൽ അതീവ കർശനമായ നിയമങ്ങളാണ് നിലവിലുള്ളത്. പരിചയമില്ലാത്തവരുടെയോ സുഹൃത്തുക്കളുടെയോ വാഹനങ്ങളോ ബാഗുകളോ ഉള്ളടക്കം കൃത്യമായി പരിശോധിക്കാതെ കൈപ്പറ്റരുതെന്ന് സാമൂഹിക പ്രവർത്തകർ നിരന്തരം ഓർമിപ്പിക്കുന്നു. ചെറിയ ലാഭമോ പ്രതിഫലമോ പ്രതീക്ഷിച്ച് ചതിക്കുഴികളിൽ വീഴുന്ന പ്രവാസികൾക്ക് സ്വന്തം ജീവൻ തന്നെ നഷ്ടമാകുന്ന ദാരുണമായ മുന്നറിയിപ്പായി ഈ സംഭവം മാറുന്നു(Abootty Death Penatly Saudi Arabia).