കള്ളാടി മണ്ണിടിച്ചിൽ: ഒരു മൃതദേഹം കൂടി കണ്ടെത്തി
കോഴിക്കോട്: കള്ളാടിയിലുണ്ടായ കനത്ത മണ്ണിടിച്ചിലിൽ കാണാതായ ഒരാളുടെ മൃതദേഹം കൂടി കണ്ടെത്തി. ദുരന്തമുഖത്ത് ജെസിബി ഉപയോഗിച്ച് നടത്തിയ തിരച്ചിലിലാണ് ഒന്നാമത്തെ സോണിൽ നിന്ന് മൃതദേഹം കണ്ടെടുത്തത്. ഇതോടെ അപകടത്തിൽപ്പെട്ട് ഇനി നാല് പേരെക്കൂടിയാണ് കണ്ടെത്താനുള്ളത്.
കണ്ടെത്തിയ മൃതദേഹം ആശുപത്രിയിലേക്ക് മാറ്റിയതായും എന്നാൽ ആരുടേതാണെന്ന് തിരിച്ചറിഞ്ഞിട്ടില്ലെന്നും മന്ത്രി എ.പി അനിൽകുമാർ മാധ്യമങ്ങളോട് പറഞ്ഞു. നടപടികൾ പൂർത്തിയാക്കിയ ശേഷമേ കൂടുതൽ വിവരങ്ങൾ ലഭ്യമാകൂ. നിലവിൽ നാല് സോണുകളായി തിരിഞ്ഞാണ് ദുരന്തമേഖലയിൽ പരിശോധന പുരോഗമിക്കുന്നത്.
അതേസമയം, തുരങ്കപാതയുടെ നിർമാണ പ്രവർത്തനങ്ങളെല്ലാം നടന്നത് കഴിഞ്ഞ സർക്കാരിന്റെ കാലത്താണെന്ന് കൽപ്പറ്റ എംഎൽഎയും മന്ത്രിയുമായ ടി.സിദ്ദിഖ് വ്യക്തമാക്കി. ദുരന്തത്തിന്റെ കാരണം അന്വേഷണ റിപ്പോർട്ട് വന്ന ശേഷമേ പറയാനാകൂ എന്നും അന്വേഷണം വേഗത്തിൽ പൂർത്തിയാക്കാൻ നിർദേശിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. നിലവിൽ മീനാക്ഷി പാലത്തിന്റെ ബല പരിശോധന പൂർത്തിയായതായും പാലത്തിന് ബലക്ഷയമില്ലെന്ന് ഉദ്യോഗസ്ഥർ അറിയിച്ചതായും അദ്ദേഹം പറഞ്ഞു.
