‘ആര്യ രാജേന്ദ്രന്റെ വിജയം മംദാനിക്ക് ആവേശമായി, ന്യൂയോർക്ക് മേയറാകാനുള്ള ശ്രമം തുടങ്ങിയത് അങ്ങനെ’ ; എം.വി ഗോവിന്ദൻ
തിരുവനന്തപുരം: ന്യൂയോര്ക്ക് മേയര് സൊഹ്റാന് മംദാനിയെയും തിരുവനന്തപുരം കോര്പറേഷന് മേയര് ആര്യാ രാജേന്ദ്രനുമായി ഉപമിച്ച് സിപിഎം സംസ്ഥാന സെക്രട്ടറി എം.വി ഗോവിന്ദന്. പ്രായം കുഞ്ഞ മേയറായി ആര്യാ രാജേന്ദ്രന് അധികാരമേറ്റപ്പോള് ട്വിറ്ററില് അഭിവാദ്യം ചെയ്യുകയും അതില് ആവേശം കൊള്ളുകയും ചെയ്ത നേതാവാണ് മംദാനിയെന്ന് ഗോവിന്ദന് പറഞ്ഞു. അന്ന് ആര്യയെ അഭിവാദ്യം ചെയ്തുകൊണ്ടാണ് ന്യൂയോര്ക്ക് മേയറാകാനുള്ള ശ്രമങ്ങള്ക്ക് മംദാനി തുടക്കമിട്ടതെന്നും അദ്ദേഹം പറഞ്ഞു.
‘ആര്യാ രാജേന്ദ്രന് എന്ന ചെറുപ്പക്കാരി, കേരളത്തിന്റെ തലസ്ഥാന പട്ടണത്തിലെ കോര്പറേഷന് മേയറായി തെരഞ്ഞെടുക്കപ്പെട്ടപ്പോള് അഭിവാദ്യം ചെയ്തയാണ് ഇപ്പോള് ന്യൂയോര്ക്ക് മേയറായ മംദാനി. അദ്ദേഹത്തിന് ആവേശകരമായ പശ്ചാത്തലമാണ് അതുണ്ടാക്കിയതെന്ന് ട്വിറ്ററില് എഴുതിയിരുന്നു. ഇനിയെന്നാണ് ഒരു ചെറുപ്പക്കാരനോ ചെറുപ്പക്കാരിയോ ന്യൂയോര്ക്കില് മേയറായി വരികയെന്ന് അന്ന് അദ്ദേഹം ട്വിറ്ററില് കുറിച്ചിരുന്നു’- എം.വി ഗോവിന്ദന് വാര്ത്താസമ്മേളനത്തില് പറഞ്ഞു.
അന്ന് അദ്ദേഹം അസംബ്ലി അംഗമായിരുന്നു. ഇപ്പോള് ന്യൂയോര്ക്കിന്റെ ചരിത്രത്തിലെ ഏറ്റവും പ്രായംകുറഞ്ഞ മേയറായി വന്നിരിക്കുന്നു. തിരുവനന്തപുരത്ത് അഞ്ച് കൊല്ലം മുമ്പ് മേയറായ അന്നത്തെ 21 വയസുകാരിയെ ശ്ലാഘിച്ച് അദ്ദേഹം ട്വിറ്ററില് കുറിച്ച ആ ആവേശകരമായ കാര്യം, സ്വയം സൃഷ്ടിക്കാനുള്ള ശ്രമം അന്ന് മുതല് അദ്ദേഹം ആരംഭിച്ചെന്നുവേണം മനസിലാക്കാനെന്നും എം.വി ഗോവിന്ദന് കൂട്ടിച്ചേര്ത്തു.
