ചരിത്രത്തിലാദ്യമായി ഡിവൈഎഫ്ഐയ്ക്ക് വനിതാ പ്രസിഡന്റ്; യുവജന പ്രസ്ഥാനത്തെ ഇനി ചിന്താ ജെറോം നയിക്കും, എം. വിജിന് സെക്രട്ടറി
കൊല്ലം: ഡിവൈഎഫ്ഐയുടെ ആദ്യ വനിതാ സംസ്ഥാന പ്രസിഡന്റായി ചിന്താ ജെറോം തെരഞ്ഞെടുക്കപ്പെട്ടു. സിപിഎം. സംസ്ഥാന കമ്മിറ്റിയംഗവും ഡിവൈഎഫ്ഐ കേന്ദ്രകമ്മിറ്റിയംഗവുമാണ് ചിന്താ ജെറോം. എസ്എഫ്ഐ മുൻ സംസ്ഥാന സെക്രട്ടറിയും എംഎൽഎയുമായ എം. വിജിനാണ് പുതിയ സംസ്ഥാന സെക്രട്ടറി. ആലപ്പുഴയിൽ നിന്നുള്ള രാഹുൽ ട്രഷററാകും.
തൃശ്ശൂരിൽ വെച്ച് നടക്കുന്ന ഡിവൈഎഫ്ഐ സംസ്ഥാന സമ്മേളനത്തിലാണ് എ.എ റഹീം എംപി പുതിയ ഭാരവാഹികളെ ഔദ്യോഗികമായി പ്രഖ്യാപിച്ചത്. 25 അംഗ സെക്രട്ടേറിയറ്റിനെയും സമ്മേളനം തെരഞ്ഞെടുത്തിട്ടുണ്ട്. തിരുവനന്തപുരം മുൻ മേയർ ആര്യാ രാജേന്ദ്രൻ പുതിയ സംസ്ഥാന സെക്രട്ടേറിയറ്റിൽ ഇടംപിടിച്ചു.
ആർ. ശ്യാമ, വി. അനൂപ്, മുഹമ്മദ് അഫ്സൽ, പി. ഷബീർ, നിഖിൽ ബാബു എന്നിവരാണ് സംഘടനയുടെ പുതിയ വൈസ് പ്രസിഡന്റുമാർ.
