‘ഇറാന്റെ വധഭീഷണി’; അമേരിക്കയിൽനിന്ന് രക്ഷപ്പെട്ട് നെതന്യാഹുവിന്റെ മകൻ | Yair Netanyahu Iran assassination plot
വാഷിങ്ടൺ/തെൽ അവീവ്: ഇറാന്റെ ഭാഗത്തുനിന്ന് ശക്തമായ വധഭീഷണി ഉയർന്നതായുള്ള റിപ്പോർട്ടുകൾക്കു പിന്നാലെ ബെഞ്ചമിൻ നെതന്യാഹുവിന്റെ മകൻ അമേരിക്ക വിട്ടതായി റിപ്പോർട്ട്(Yair Netanyahu Iran assassination plot). മൂത്ത മകൻ യായ്ര് നെതന്യാഹു ആണ് അമേരിക്കയിലെ ഫ്ലോറിഡയിൽനിന്ന് അടിയന്തരമായി രക്ഷപ്പെട്ട് ഇസ്രയേലിലേക്ക് മടങ്ങിയത്. ഫ്ലോറിഡയിലെ മയാമിയിൽ താമസിച്ചിരുന്ന മുപ്പത്തഞ്ചുകാരനായ യായ്ര് നെതന്യാഹുവിനെ കൊലപ്പെടുത്താൻ ഇറാൻ ചാരസംഘം ഗൂഢാലോചന നടത്തിയതായും അദ്ദേഹത്തിന്റെ വീടും യാത്രാവഴികളും നിരീക്ഷിച്ചുവരികയായിരുന്നുവെന്നും അമേരിക്കൻ രഹസ്യാന്വേഷണ ഏജൻസികളെ ഉദ്ധരിച്ച് പ്രമുഖ അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തിരുന്നു.
തന്റെ മക്കളിൽ ഒരാളെ വധിക്കാൻ ഇറാൻ ലക്ഷ്യമിട്ടിരുന്നതായി നെതന്യാഹു അടുത്തിടെ ഇസ്രയേലിന്റെ ചാനൽ 14-ന് നൽകിയ അഭിമുഖത്തിൽ വെളിപ്പെടുത്തിയിരുന്നു. എന്നാൽ, അത് ഏത് മകനാണെന്ന് അന്ന് അദ്ദേഹം വ്യക്തമാക്കിയിരുന്നില്ല. തുടർന്ന് പുറത്തുവന്ന റിപ്പോർട്ടുകളിലാണ് മയാമിയിൽ കഴിഞ്ഞിരുന്ന യായ്ര് നെതന്യാഹുവാണ് ഇറാന്റെ വധശ്രമ പട്ടികയിൽ ഉണ്ടായിരുന്നതെന്ന വിവരം സ്ഥിരീകരിക്കപ്പെട്ടത്. ഫ്ലോറിഡയിൽ ഇറാന്റെ ചാരന്മാർ നേരിട്ടെത്തി നീക്കങ്ങൾ നിരീക്ഷിക്കുന്നുണ്ടെന്ന വിവരം ഇസ്രയേലിന്റെ രഹസ്യാന്വേഷണ വിഭാഗം അമേരിക്കൻ സുരക്ഷാ സേനയ്ക്ക് കൈമാറുകയായിരുന്നു(Yair Netanyahu Iran assassination plot).
വധഭീഷണി അതീവ ഗുരുതരമാണെന്ന മുന്നറിയിപ്പ് ലഭിച്ചയുടൻ ഫ്ലോറിഡയിലെ വസതിയിലുണ്ടായിരുന്ന സ്വന്തം വസ്തുവകകൾ പോലും എടുക്കാതെയാണ് യായ്ര് നെതന്യാഹു ധൃതിപിടിച്ച് ഇസ്രയേലിലേക്ക് മടങ്ങിയത്. ഇസ്രയേലി സുരക്ഷാ ഉദ്യോഗസ്ഥരുടെ അകമ്പടിയോടെയാണ് അദ്ദേഹം അമേരിക്ക വിട്ടതും നിലവിൽ ഇസ്രയേലിൽ അതീവ സുരക്ഷയിൽ തുടരുന്നതും. തന്റെ ഭാര്യ സാറയ്ക്കും മക്കളായ യായ്ര്, അവ്നർ എന്നിവർക്കും നൽകിയിട്ടുള്ള കനത്ത സുരക്ഷ വെറുമൊരു ആഡംബരമല്ലെന്നും ശക്തമായ ശത്രുഭീഷണി നിലനിൽക്കുന്നതിനാലാണ് അതെന്നും നെതന്യാഹു വ്യക്തമാക്കി(Yair Netanyahu Iran assassination plot).
ഇസ്രയേൽ, അമേരിക്കൻ നേതാക്കൾക്കും അവരുടെ കുടുംബാംഗങ്ങൾക്കും എതിരെ ഇറാൻ വധഭീഷണികൾ ശക്തമാക്കുന്നതിനിടെയാണ് ഈ ഞെട്ടിക്കുന്ന വിവരങ്ങൾ പുറത്തുവരുന്നത്. യുഎസ് പ്രസിഡന്റ് ഡൊണാൾഡ് ട്രംപിന്റെ മകൻ ബാരൺ ട്രംപിനെ വധിക്കാൻ ലക്ഷ്യമിട്ടുള്ള വീഡിയോകൾ ഇറാൻ ഔദ്യോഗിക മാധ്യമങ്ങളിലൂടെ പ്രചരിപ്പിച്ചിരുന്നു. ഇതിന് പിന്നാലെയാണ് ഇസ്രയേൽ പ്രധാനമന്ത്രിയുടെ മകനെ അമേരിക്കൻ മണ്ണിൽ വെച്ച് തന്നെ വധിക്കാൻ നീക്കം നടന്നെന്ന റിപ്പോർട്ടുകൾ പുറത്തുവന്നത്. ഇതോടെ നെതന്യാഹുവിന്റെ കുടുംബത്തിന്റെ വ്യക്തിഗത സുരക്ഷ ശക്തമാക്കാൻ ഇസ്രയേൽ സുരക്ഷാ ഏജൻസിയായ ഷിൻ ബെറ്റിന് കർശന നിർദ്ദേശം നൽകിയിട്ടുണ്ട്(Yair Netanyahu Iran assassination plot).
