‘കെപിസിസി അധ്യക്ഷപദവി എപ്പോൾ വേണമെങ്കിലും ഒഴിയാൻ തയ്യാർ; രണ്ട് ചുമതല വഹിക്കുന്നതിൻ്റെ പ്രയാസം നേതൃത്വത്തെ അറിയിച്ചു’- സണ്ണി ജോസഫ്
തിരുവനന്തപുരം: കെപിസിസി അധ്യക്ഷപദവി എപ്പോൾ വേണമെങ്കിലും ഒഴിയാൻ താൻ സന്നദ്ധനാണെന്ന് വൈദ്യുതി മന്ത്രി സണ്ണി ജോസഫ്. രണ്ട് പദവികൾ ഒരുമിച്ച് കൊണ്ടുപോകുന്നതിലെ പ്രയാസം കേന്ദ്ര നേതൃത്വത്തെ അറിയിച്ചിട്ടുണ്ടെന്നും, പാർട്ടി നിർദേശിക്കുന്ന ഏതു സമയത്തും ചുമതല കൈമാറുമെന്നും അദ്ദേഹം വ്യക്തമാക്കി. കോട്ടയത്ത് തനിക്കെതിരെ ഉയർന്ന ഫ്ലെക്സ് ബോർഡുകളെക്കുറിച്ച് പ്രതികരിക്കുകയായിരുന്നു മന്ത്രി.
സംസ്ഥാനത്തെ നിലവിലെ വൈദ്യുതി പ്രതിസന്ധിയിലും മന്ത്രി വിശദീകരണം നൽകി. എൽ നിനോ പ്രതിഭാസവും കടുത്ത ചൂടും കാരണം രാജ്യം മുഴുവൻ വൈദ്യുതി ഉപഭോഗം വർധിച്ചതാണ് പ്രതിസന്ധിക്ക് കാരണം. മുൻപ് മറ്റ് സംസ്ഥാനങ്ങളിൽ നിന്ന് കടം വാങ്ങിയ വൈദ്യുതി ജൂൺ 15-ഓടെ തിരിച്ചുനൽകേണ്ടി വന്നതും അണക്കെട്ടുകളിൽ വെള്ളം കുറഞ്ഞതും സ്ഥിതി സങ്കീർണമാക്കി.
ഇതിൽ സർക്കാരിന് വീഴ്ച പറ്റിയിട്ടില്ലെന്നും കടുത്ത വേനലും മഴക്കുറവുമാണ് പ്രധാന കാരണമെന്നും മന്ത്രി കൂട്ടിച്ചേർത്തു. ലോഡ്ഷെഡിങ് പൂർണമായി ഒഴിവാക്കാനാകാത്തതിൽ വിഷമമുണ്ടെന്നും അദ്ദേഹം പറഞ്ഞു.
