ഭർത്താവിന്റെ കൈയിൽ തേങ്ങ നൽകി പുറത്തേക്ക് നോക്കി മന്ത്രം ചൊല്ലാൻ നിർദേശം; പിന്നാലെ യുവതിക്ക് പീഡനം: വ്യാജസിദ്ധൻ അറസ്റ്റിൽ
കോഴിക്കോട്: താമരശ്ശേരിയിൽ ദാമ്പത്യപ്രശ്നങ്ങൾ പരിഹരിക്കാനെത്തിയ യുവതിയെ പീഡിപ്പിച്ച സംഭവത്തിൽ വ്യാജസിദ്ധൻ അറസ്റ്റിൽ. പുതുപ്പാടി ആലഞ്ചേരി കളത്തിൽ അൻവർ സാദത്തിനെയാണ് താമരശ്ശേരി പോലീസ് കസ്റ്റഡിയിലെടുത്തത്. ഒന്നര മാസം മുമ്പ് വിവാഹിതരായ ദമ്പതിമാരാണ് പരാതിക്കാർ.
ഭർത്താവിൻ്റെ കൈയിൽ തേങ്ങ നൽകി വീടിന് പുറത്തേക്ക് നോക്കി മന്ത്രം ചൊല്ലാൻ നിർദേശിച്ച ശേഷമായിരുന്നു യുവതിക്ക് നേരെ അതിക്രമം നടന്നത്. പ്രതി അൻവർ സാദത്ത് മുൻപും പ്രായപൂർത്തിയാകാത്ത കുട്ടിയെ പീഡിപ്പിച്ച കേസിൽ പോക്സോ നിയമപ്രകാരം അറസ്റ്റിലായിട്ടുണ്ടെന്ന് പോലീസ് വ്യക്തമാക്കി.
