‘ചുരുങ്ങിയത് 10 രൂപയെങ്കിലും കുറയ്ക്കണം; ഇന്ധനനികുതിയിൽ കേരളം ബിജെപി സംസ്ഥാനങ്ങളെ മാതൃകയാക്കണം’- കെ. സുരേന്ദ്രൻ

തിരുവനന്തപുരം: സംസ്ഥാനത്ത് പെട്രോളിന്റെയും ഡീസലിന്റെയും അധിക നികുതി കുറയ്ക്കാൻ സർക്കാർ തയ്യാറാകണമെന്ന് ബിജെപി നേതാവ് കെ. സുരേന്ദ്രൻ. വാറ്റ്, സെസ് ഇനങ്ങളിൽ ഈടാക്കുന്ന തുകയിൽനിന്ന് ചുരുങ്ങിയത് 10 രൂപയെങ്കിലും കുറയ്ക്കാൻ സംസ്ഥാന സർക്കാർ തയ്യാറാകണമെന്ന് അദ്ദേഹം ആവശ്യപ്പെട്ടു.

മധ്യപ്രദേശ്, രാജസ്ഥാൻ, ഉത്തർപ്രദേശ് തുടങ്ങിയ എൻഡിഎ ഭരിക്കുന്ന സംസ്ഥാനങ്ങൾ 15 രൂപ വരെ നികുതി കുറച്ചിട്ടുണ്ടെന്നും കേരളവും ഈ മാതൃക പിന്തുടരണമെന്നും അദ്ദേഹം കൂട്ടിച്ചേർത്തു.

ഇതിനുപുറമേ, പുതിയ സർക്കാർ അധികാരത്തിൽ വന്നതിന് പിന്നാലെ വർധിപ്പിച്ച മിൽമ പാലിന്റെ വില കുറയ്ക്കണമെന്നും സുരേന്ദ്രൻ ആവശ്യപ്പെട്ടു. കർഷകർക്ക് ബുദ്ധിമുട്ടുണ്ടാക്കാത്ത രീതിയിൽ പാൽ വിലയിൽ കുറവ് വരുത്താൻ സർക്കാർ തയ്യാറാകണമെന്നാണ് ബിജെപി നേതാവിന്റെ ആവശ്യം.