സണ്ണി ജോസഫിന്റെ പ്രൈവറ്റ് സെക്രട്ടറിയായി ചന്ദ്രൻ തില്ലങ്കേരി
തിരുവനന്തപുരം: സണ്ണി ജോസഫിന്റെ പ്രൈവറ്റ് സെക്രട്ടറിയായി കെപിസിസി സെക്രട്ടറി ചന്ദ്രൻ തില്ലങ്കേരിയെ നിയമിക്കും. ബെന്നി തോമസ് രാജി വെച്ച ഒഴിവിലാണ് നിയമനം. ഇത് സംബന്ധിച്ച ഉത്തരവ് ഉടൻ പുറത്തിറങ്ങും. നിയമസഭാ തഎരഞ്ഞെടുപ്പിൽ മട്ടന്നൂരിലെ യുഡിഎഫ് സ്ഥാനാർത്ഥിയായിരുന്നു ചന്ദ്രൻ തില്ലങ്കേരി.
സണ്ണി ജോസഫിന്റെ സഹോദരീ ഭർത്താവും ഡിസിസി ജനറൽ സെക്രട്ടറിയുമായ ബെന്നി തോമസിനെ പേഴ്സണൽ സ്റ്റാഫായി നിയമിച്ചത് വലിയ വിവാദമായിരുന്നു. പാർട്ടി ഭാരവാഹികളുടെ അപേക്ഷ തള്ളിയായിരുന്നു ഈ ബന്ധുനിയമനം. മുൻ എൽഡിഎഫ് സർക്കാരിന്റെ ബന്ധുനിയമനങ്ങൾക്കെതിരെ യുഡിഎഫ് പ്രക്ഷോഭം നടത്തിയിരുന്ന സാഹചര്യത്തിൽ, വൈദ്യുതി മന്ത്രിയുടെ ഈ നീക്കത്തിനെതിരെ പാർട്ടി പ്രവർത്തകർക്കിടയിൽ തന്നെ വലിയ ആക്ഷേപമുയർന്നു. വിവാദം കനത്തതോടെയാണ് ബെന്നി തോമസ് രാജി വെച്ചത്.
