‘എന്ത് ചെയ്തു എന്ന് ചോദിക്കുന്നത് നന്ദി ഇല്ലാത്തവർ, ഞാൻ പിണറായി വിജയന്റെ ഹ്യൂജ് ഫാൻ’; ബിഗ്ബോസ് താരം നൂറ മുസ്കാൻ
കോഴിക്കോട്: മുഖ്യമന്ത്രി പിണറായി വിജയനെ പ്രകീർത്തിച്ച് ബിഗ് ബോസ് താരം നൂറ മുസ്കാൻ രംഗത്ത്. താൻ മുഖ്യമന്ത്രിയുടെ വലിയൊരു ആരാധകയാണെന്നും അദ്ദേഹത്തിന്റെ കഴിഞ്ഞ 10 വർഷത്തെ പ്രവർത്തനം മാത്രം മതി ആരെയും ഫാൻ ആക്കാനെന്നും നൂറ വ്യക്തമാക്കി. ‘കമ്മ്യൂണിസം ആകാം, പക്ഷേ അടിമകളാകരുത്’ എന്ന സോഷ്യൽ മീഡിയ കമന്റിന് മറുപടി നൽകുകയായിരുന്നു താരം.
ഗതാഗതം, വിദ്യാഭ്യാസം, ആരോഗ്യ മേഖലകളിൽ വലിയ വികസനമാണ് പിണറായി സർക്കാർ കൊണ്ടുവന്നതെന്ന് നൂറ പറഞ്ഞു. പ്രകൃതി ദുരന്തങ്ങൾ ഉണ്ടായപ്പോൾ അദേഹം നൽകിയ നേതൃത്വം വിസ്മരിക്കാനാവില്ല. പിണറായി വിജയൻ എന്ത് ചെയ്തു എന്ന് ചോദിക്കുന്നവർ നന്ദിയില്ലാത്തവരാണെന്നും, താൻ അദ്ദേഹത്തിന്റെ ആരാധകയാണെന്ന് പറയുന്നതിൽ അഭിമാനമുണ്ടെന്നും നൂറ വീഡിയോയിലൂടെ കൂട്ടിച്ചേർത്തു.
