പ്രിയങ്ക ഗാന്ധിയുടെ മകന് റൈഹാന് വിവാഹിതനാകുന്നു; വധു അവീവ ബെയ്ഗ്
ന്യൂഡല്ഹി: കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധിയുടെയും റോബര്ട്ട് വാദ്രയുടെയും മകന് റൈഹാന് വാദ്ര വിവാഹിതനാകുന്നു. ദീര്ഘകാല സുഹൃത്തായ അവീവ ബെയ്ഗ് ആണ് വധു. ഇന്ന് ന്യൂഡല്ഹിയില് നടന്ന സ്വകാര്യ ചടങ്ങിലായിരുന്നു വിവാഹനിശ്ചയം.
ഇരു കുടുംബങ്ങളിലെയും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില് പങ്കെടുത്തതെന്നാണ് റിപ്പോര്ട്ടുകള്. സോണിയ ഗാന്ധി, രാഹുല് ഗാന്ധി തുടങ്ങിയവര് ചടങ്ങിനെത്തിയതായാണ് വിവരം. ഏറെനാളായി റൈഹാനും അവീവയും തമ്മില് പ്രണയത്തിലായിരുന്നു.
വൈല്ഡ് ലൈഫ് ഫോട്ടോഗ്രാഫര്, വിഷ്വല് ആര്ട്ടിസ്റ്റ് എന്നീ നിലകളില് ശ്രദ്ധേയനാണ് 25കാരനായ റൈഹാന്. നിരവധി എക്സിബിഷനുകള് അദ്ദേഹം സംഘടിപ്പിച്ചിട്ടുണ്ട്. വിവാഹത്തെക്കുറിച്ചുള്ള കൂടുതല് വിവരങ്ങള് കുടുംബം വരും ദിവസങ്ങളില് ഔദ്യോഗികമായി അറിയിക്കുമെന്നാണ് സൂചന.
