‘ജന്തർ മന്തർ സമരക്കാർക്ക് ഭക്ഷണം നൽകിയതിന് പോലീസ് വേട്ട’; സുപ്രീം കോടതിയിൽ ഹരജിയുമായി മുഹമ്മദ് ജുനൈദ് | CJP Volunteer Junaid Moves Supreme Court

ന്യൂഡൽഹി: നീറ്റ് പരീക്ഷാ ക്രമക്കേടുകൾക്കെതിരെ ഡൽഹി ജന്തർ മന്തറിൽ കോക്ക്‌റോച്ച് ജനതാ പാർട്ടി(സിജെപി) സംഘടിപ്പിച്ച വിദ്യാർഥി പ്രക്ഷോഭത്തിൽ സന്നദ്ധസേവനം നടത്തിയത് പോലീസ് നടത്തുന്ന വേട്ടയ്‌ക്കെതിരെ നിയമയുദ്ധവുമായി മുഹമ്മദ് ജുനൈദ്(CJP Volunteer Junaid Moves Supreme Court). പോലീസും ഭരണകൂടവും തന്നെയെയും കുടുംബത്തെയും ക്രൂരമായി വേട്ടയാടുകയാണെന്നു കാണിച്ചാണ് ജന്തർ മന്തറിൽ സൗജന്യമായി ഭക്ഷണം വിതരണം ചെയ്ത് ശ്രദ്ധേയനായ വോളന്റിയർ ജുനൈദ് സുപ്രീം കോടതിയെ സമീപിച്ചിരിക്കുന്നത്. ഡൽഹി പോലീസും യുപി പോലീസും ചേർന്ന് യാതൊരു നിയമനടപടിക്രമങ്ങളും പാലിക്കാതെയാണ് തങ്ങളെ തടങ്കലിൽ വെക്കുകയും ഉപദ്രവിക്കുകയും ചെയ്തതെന്ന് ഹരജിയിൽ യുവാവ് ചൂണ്ടിക്കാട്ടി.

നിയമ ബിരുദധാരിയും സാമൂഹിക പ്രവർത്തകനുമാണ് ജുനൈദ്. യുപിയിലെ ഗാസിയാബാദ് സ്വദേശിയായാണ് ഈ യുവാവ്. ജന്തർ മന്തറിലെ പ്രതിഷേധ വേദിയിൽ ആയിരക്കണക്കിന് വിദ്യാർഥികൾക്കും പ്രതിഷേധക്കാർക്കും ഭക്ഷണവും കുടിവെള്ളവും സൗജന്യമായി വിതരണം ചെയ്താണു വാർത്തകളിൽ നിറയുന്നത്.

സുപ്രീം കോടതിയുടെ അടിയന്തര ഇടപെടൽ ആവശ്യം | CJP Volunteer Junaid Moves Supreme Court

പോലീസിന്റെ നിയമവിരുദ്ധവും ജനാധിപത്യവിരുദ്ധവുമായ ഉപദ്രവങ്ങളിൽനിന്നും തനിക്കും കുടുംബാംഗങ്ങൾക്കും സംരക്ഷണം നൽകണമെന്ന് ജുനൈദ് ഹരജിയിലൂടെ ആവശ്യപ്പെട്ടു. കുടുംബാംഗങ്ങൾക്കെതിരെ യാതൊരുവിധ പ്രതികാര നടപടികളും കൈക്കൊള്ളരുതെന്ന് പോലീസിന് നിർദേശം നൽകണം. അന്വേഷണം നിയമപരമായ വഴിയിലൂടെ മാത്രമേ നടത്താൻ പാടുള്ളൂവെന്നും സുപ്രീം കോടതിയോട് അഭ്യർഥിച്ചിട്ടുണ്ട്.

അഡ്വ. നേഹ റാത്തി മുഖേനയാണ് ഹരജി ഫയൽ ചെയ്തിരിക്കുന്നത്. ജന്തർ മന്തർ സമര സ്ഥലത്ത് പോലീസ് നടത്തിയ അതിക്രമങ്ങൾക്കെതിരെ ആർജെഡി എംപി മനോജ് കുമാർ ഝാ സമർപ്പിച്ച ഹരജിക്കൊപ്പമാണ് ജുനൈദിന്റെ ഹരജിയും പരിഗണനയ്ക്ക് എത്തിയത്. സാധാരണക്കാരനായ ഒരു വോളന്റിയർക്ക് നേരെ പോലീസ് നടത്തുന്ന ഈ അടിച്ചമർത്തൽ നീക്കങ്ങൾക്കെതിരെ വലിയ പ്രതിഷേധമാണ് രാജ്യത്തുടനീളം ഉയർന്നുവരുന്നത്.

‘ആശുപത്രിയിൽനിന്ന് മടങ്ങുമ്പോൾ പിടിച്ചുകൊണ്ടുപോയി, വണ്ടിയിലിട്ട് ചോദ്യം ചെയ്തു’ | CJP Volunteer Junaid Moves Supreme Court

സുപ്രീം കോടതിയിൽ സമർപ്പിച്ച ഹരജിയിൽ പോലീസിന്റെ ഭാഗത്തുനിന്നുണ്ടായ അതിക്രമങ്ങൾ ജുനൈദ് വിശദമായി വ്യക്തമാക്കുന്നുണ്ട്. ജൂലൈ 24 അർധരാത്രിയിൽ പേപ്പട്ടി വിഷബാധയ്ക്കെതിരെയുള്ള കുത്തിവയ്‌പ്പെടുക്കാൻ ഡൽഹിയിലെ ആർ.എം.എൽ ആശുപത്രിയിൽ പോയി മടങ്ങുകയായിരുന്ന തന്നെ ഡൽഹി പോലീസ് ഉദ്യോഗസ്ഥർ തടഞ്ഞുവച്ച് പിടിച്ചുകൊണ്ടുപോകുകയായിരുന്നുവെന്ന് ഹരജിയിൽ പറയുന്നു.

ആറു മണിക്കൂറോളം പോലീസ് വാഹനത്തിനുള്ളിൽ പൂട്ടിയിട്ട് മാനസികമായി പീഡിപ്പിക്കുകയും ഭീഷണിപ്പെടുത്തുകയും ചെയ്തു. ഫോൺ നിർബന്ധപൂർവം അൺലോക്ക് ചെയ്യിച്ച് വാങ്ങി പരിശോധിച്ച പോലീസ്, സമരപ്പന്തലിൽ ഭക്ഷണം വിതരണം ചെയ്യാൻ ഫണ്ട് നൽകിയത് ആരാണെന്നും പണം എവിടെനിന്നാണ് വരുന്നതെന്നും ചോദിച്ച് കടുത്ത ചോദ്യം ചെയ്യലിന് വിധേയനാക്കി. ഒടുവിൽ ഡൽഹി-ഡെറാഡൂൺ ഹൈവേയിലെ വിജനമായ ഒരിടത്ത് തള്ളിയ ശേഷമാണ് പോലീസ് സംഘം മടങ്ങിയത്. അവിടെനിന്നും പിന്നീട് ടാക്‌സി വിളിച്ചാണ് ഡൽഹിയിലേക്ക് തിരിച്ചെത്തിയതെന്നും ജുനൈദ് വെളിപ്പെടുത്തുന്നു.

വീടുകളിൽ റെയ്ഡ്, ബന്ധുക്കളെയും കസ്റ്റഡിയിലെടുത്തു | CJP Volunteer Junaid Moves Supreme Court

ജുനൈദിന് നേരെയുണ്ടായ കസ്റ്റഡിക്ക് പുറമെ യുപിയിലുള്ള കുടുംബാംഗങ്ങൾക്ക് നേരെയും പോലീസ് നിരന്തരം ഭീഷണിയും പ്രതികാര നടപടികളും അഴിച്ചുവിട്ടതായി ഹരജിയിൽ ആരോപിക്കുന്നു. ഗാസിയാബാദ് പോലീസ് അർധരാത്രി ജുനൈദിന്റെ വീട്ടിൽ അനധികൃതമായി റെയ്ഡ് നടത്തുകയും വീട്ടുസാധനങ്ങൾ തകർത്ത ശേഷം പിതാവിനെയും പ്രായപൂർത്തിയാകാത്ത സഹോദരനെയും തടങ്കലിൽ വയ്ക്കുകയും ചെയ്തു.

മീററ്റിലുള്ള സഹോദരിയുടെ ഭർതൃഗൃഹത്തിൽ പോലീസെത്തി സഹോദരിയുടെ ഭർതൃപിതാവ്, അളിയൻ എന്നിവരെ കസ്റ്റഡിയിലെടുത്ത് കൊണ്ടുപോയി. യാതൊരു രേഖയോ നോട്ടീസോ നൽകാതെ നിയമവിരുദ്ധമായാണ് പോലീസ് ഇത്തരം നടപടികൾ സ്വീകരിച്ചതെന്നും പിന്നീട് ഇവരെ വിട്ടയക്കുകയായിരുന്നുവെന്നും ഹരജിയിൽ ചൂണ്ടിക്കാട്ടുന്നു.