‘പ്രധാനമന്ത്രി ദൈവമല്ല, പരിഹാസങ്ങൾ ഇനിയുമുണ്ടാകും; ഇത് ജനാധിപത്യം’- തുറന്നടിച്ച് സിജെപി നേതാവ് സൗരവ് ദാസ് | CJP’s Saurav Das on Modi satire Crackdown
ന്യൂഡല്ഹി: നീറ്റ് പരീക്ഷാ ക്രമക്കേടുകൾക്കെതിരായ വിദ്യാർഥി പ്രക്ഷോഭങ്ങൾക്ക് പിന്നാലെ നടക്കുന്ന സൈബർവേട്ടയിലും പോലീസ് നടപടികളിലും രൂക്ഷ വിമർശനവുമായി കോക്ക്റോച്ച് ജനതാ പാർട്ടി(സിജെപി)| CJP’s Saurav Das on Modi satire Crackdown. പ്രധാനമന്ത്രിയെയും ഭരണകൂടത്തെയും വിമർശിക്കുന്നവരെയും പരിഹസിക്കുന്നവരെയും വേട്ടയാടുന്നത് ജനാധിപത്യവിരുദ്ധമാണെന്ന് സിജെപി നേതാവ് സൗരവ് ദാസ് തുറന്നടിച്ചു. വിമർശനത്തിനു നടപടിയെടുക്കാൻ പ്രധാനമന്ത്രി ദൈവമൊന്നുമല്ലെന്നും അദ്ദേഹം ചൂണ്ടിക്കാട്ടി. ഡൽഹി ജന്തർ മന്തറിലെ വിദ്യാർഥി സമരത്തിന് ശേഷം വോളന്റിയർമാർക്കും സോഷ്യൽ മീഡിയ പ്രൊഫൈലുകൾക്കും നേരെ നടക്കുന്ന സൈബർ വേട്ടയിൽ പ്രതികരിച്ച് ദേശീയ മാധ്യമമായ ‘ആജ് തകി’നോട് സംസാരിക്കുകയായിരുന്നു സൗരവ് ദാസ്.
‘വിമർശനങ്ങൾ തടയാനാവില്ല; ഇത് ജനാധിപത്യമാണ്’ | CJP’s Saurav Das on Modi satire Crackdown
ഭരണകൂടത്തിന്റെ വീഴ്ചകളെ ട്രോളുകളിലൂടെയും പരിഹാസങ്ങളിലൂടെയും ചോദ്യം ചെയ്യുന്നത് ജനാധിപത്യത്തിൽ സ്വാഭാവികമായ കാര്യമാണെന്ന് സൗരവ് ദാസ് ചൂണ്ടിക്കാട്ടി. ”പ്രധാനമന്ത്രി ദൈവമൊന്നുമല്ല. സർക്കാരിനെ വിമർശിക്കുന്നതും പരിഹസിക്കുന്നതുമൊക്കെ ജനാധിപത്യത്തിലെ വളരെ സാധാരണമായ കാര്യങ്ങളാണ്. വിയോജിപ്പുകളെയും ചോദ്യങ്ങളെയും സൈബർ അടിച്ചമർത്തലുകൾ വഴി നിശബ്ദമാക്കാൻ സാധിക്കില്ല. ജനങ്ങളുടെ ന്യായമായ ചോദ്യങ്ങൾക്ക് മറുപടി പറയുന്നതിന് പകരം, ചോദ്യം ചോദിക്കുന്നവരെയും ട്രോളുകൾ ഉണ്ടാക്കുന്നവരെയും വേട്ടയാടാനാണ് ഭരണകൂടവും പോലീസും ശ്രമിക്കുന്നത്.”-സൗരവ് വിമർശിച്ചു.
ജന്തർ മന്തറിലെ സമരം അവസാനിച്ചിട്ടും അതിൽ പങ്കെടുത്ത സാധാരണക്കാരായ വോളന്റിയർമാരെയും സോഷ്യൽ മീഡിയയിൽ പിന്തുണ നൽകിയ യുവാക്കളെയും പോലീസ് നോട്ടീസ് അയച്ചും സൈബർ നിരീക്ഷണത്തിലൂടെയും ഭയപ്പെടുത്താൻ ശ്രമിക്കുകയാണെന്ന് സിജെപി ആരോപിച്ചു. അനാവശ്യമായ ഭയപ്പെടുത്തലുകൾ കൊണ്ട് വിദ്യാർഥികളുടെയോ യുവാക്കളുടെയോ ശബ്ദം അടിച്ചമർത്താൻ കഴിയില്ല. വേട്ടയാടപ്പെടുന്ന വോളന്റിയർമാർക്ക് ആവശ്യമായ എല്ലാ നിയമസഹായങ്ങളും സൗജന്യമായി നൽകാൻ പാർട്ടി മുന്നിലുണ്ടാകും. പൗരന്മാരുടെ ഭരണഘടനാപരമായ അഭിപ്രായ സ്വാതന്ത്ര്യത്തെ മാനിക്കാൻ കേന്ദ്ര സർക്കാർ തയാറാകണമെന്നും സൗരവ് ദാസ് ആവശ്യപ്പെട്ടു.
